Bracla

Pen-y-bont ar Ogwr Bragle

Mae Bragle, neu Bracla, (Saesneg: Brackla) yn un o faestrefi Pen-y-bont ar Ogwr ac yn gymuned, i'r dwyrain o'r dref ei hun. Ystad breswyl enfawr ac iddi oddeutu 12,000 o drigolion yw hi sydd ar lethr deheuol Bryn Bragle.

Fe'i codwyd ar diroedd Tŷ Waunscil a Fferm Tremaen. Cododd y cyngor lleol yr ystad wreiddiol yn y gorllewin o amgylch chwarel Tremaen yn y 50au, ond codwyd y rhan fwyaf o'r ystad gan gwmnïau preifat o'r 70au ymlaen. O dan yr ystad mae nifer o dwnelau a ddefnyddiwyd yn yr Ail Ryfel Byd i storio arfau a gynhyrchwyd yn ffatri Tredŵr gerllaw. Defnyddiwyd rhai o'r twnelau wedyn gan GCHQ. Mae nifer o nentydd bychain yn codi o ffynhonnau yn y galchfaen sydd yn y bryn ac yn llifo i lawr i Afon Ewenni yn Nhredŵr. Yr un fwyaf yw Nant Sana.

Mae'r ystad yn dal i ehangu ar weddill tiroedd Fferm Tremaen (sy'n cynnwys y ffermdy ei hun!) ac ar draws dolau Nant Morfa tuag at bentref Coety i'r gogledd.

Ysgolion

Mae yna bedair ysgol ar yr ystad.

• Ysgol Gynradd Gymraeg Bro Ogwr
• Ysgol Archddeon John Lewis yr Eglwys yng Nghymru
• Ysgol Gynradd Tremaen
• Ysgol Gynradd Bragle

Dolen allanol

• Cyngor Cymuned Bragle

Trefi a phentrefi Bwrdeistref Sirol Pen-y-bont ar Ogwr

Trefi
Maesteg  · Pen-coed  · Pen-y-bont ar Ogwr  · Pontycymer  · Porthcawl
Pentrefi
Abercynffig  · Abergarw  · Betws  · Blaengarw  · Bracla  · Bryncethin  · Brynmenyn  · Caerau  · Cefncribwr  · Cwmogwr  · Cynffig  · Drenewydd yn Notais  · Gogledd Corneli  · Heol-y-cyw  · Llangeinwyr  · Llangrallo  · Llangynwyd  · Melin Ifan Ddu  · Merthyr Mawr  · Mynyddcynffig  · Nant-y-moel  · Notais  · Pen-y-fai  · Y Pîl  · Price Town  · Sarn  · Ton-du  · Trelales  · Ynysawdre

Eginyn erthygl sydd uchod am fwrdeistref sirol Pen-y-bont ar Ogwr. Gallwch helpu Wicipedia drwy ychwanegu ato