Wicipedia:Tiwtorial (Nodi ffynonellau)

Cyflwyniad

Golygu

Chwilio

Dolennau

Ffynonellau

Mewngofnodi

Sgwrs

Ymestynol

Arall

Pan fyddwch yn ychwanegu gwybodaeth at erthygl, sicrhewch eich bod yn cynnwys eich ffynonellau, oherwydd fe ddilëir ffeithiau neu erthyglau gydag elfennau dadleuol heb ffynonellau. Y ffordd orau o wneud hyn yw trwy ddefnyddio dyfyniad mewnol er mwyn i olygwyr a darllenwyr eraill fedru gwirio'r wybodaeth rydych yn ei hychwanegu. Sicrhewch fod y ffynonellau a ddefnyddiwch yn ddibynadwy ac yn rhai y gellir ymddiried ynddynt. Mae gwneud hyn yn un o gonglfeini credinedd Wicipedia ac yn sicrhau, o'i wneud yn gywir, y bydd eich golygiad yn parhau.

Troednodiadau

Y ffordd arferol o greu dyfyniad mewnol yw trwy ddefnyddio troednodiadau. Gallwch greu troednodiadau gydag iaith marcio Wici drwy ychwanegu tagiau cyfeirio mewn côd Wici:

1. <ref> EICH FFYNHONNELL e.e. Gwefan y BBC </ref> o amgylch eich ffynhonnell;
2. {{Cyfeiriadau}} o dan y pennawd ==Cyfeiriadau== yn agos i waelod y dudalen.

Mae dwy ran felly i hyn: y cyntaf ydy gosod y wybodaeth yn nghorff yr erthygl ei hun (er na fydd yn ymddangos yno) a'r ail ydy gosod côd ar waelod y dudalen, sy'n arddangos yr wybodaeth yn otomatig fel troednodyn.

Os mai gwefan yw eich ffynhonnell, dylech greu dolen allanol i gyfeiriad y wefan. Peidiwch â defnyddio erthyglau eraill o Wicipedia fel ffynonellau; mae hyn yn rheol.

Er mwyn creu dolen allanol i'ch ffynhonnell, rhowch gyfeiriad y wefan (yr URL) mewn cromfachau sgwâr cyn y testun a fyddwch yn ychwanegu, megis

• <ref>[http://www.google.com Peiriant chwilio Google]</ref>

Dylid darparu disgrifiad byr ar ôl cyfeiriad y ddolen allanol. Bydd y disgrifiad hwn yn ymddangos yn y rhestr o gyfeiriadau fel teitl y ddolen allanol.

Yr adran dolenni allanol

Mae gan nifer o erthyglau Wicipedia adran ar wahân o'r enw Dolenni allanol, tua gwaelod y ddalen. Ar gyfer cysylltu â gwefannau sydd â gwybodaeth ychwanegol, sylweddol a dibynadwy am bwnc yr erthygl mae'r adran hon. Nid yw pob un ddolen allanol yn addas i'w defnyddio mewn erthygl ar Wicipedia.

Trwy gynnwys bwlch ar ôl URL ac o fewn set unigol o gromfachau, gallwch benderfynu ar y testun a fydd yn weledol, er enghraifft:

[http://www.google.com Peiriant chwilio Google]

Dim ond y testun sy'n dilyn y bwlch sy'n weledol, ond bydd yn cadw'r ddolen a welir fan hyn o hyd:

Peiriant chwilio Google

Yr adran Llyfryddiaeth

Weithiau, pan ddyfynir o nifer o lyfrau, gellir defnyddio'r term "Llyfryddiaeth" fel is-bennawd, ynghyd â rhestr o lyfrau a gyfeirir atynt yng ngorff yr erthygl.

Rhoi Nodion ar erthyglau

Os dowch o hyd i erthygl sydd a pheth gwybodaeth dadleuol ynddi, rhowch y Nodyn hwn ar frig y dudalen:

{{angen ffynhonnell}}

Mae hyn yn rhestru'r tudalennau sydd angen gwaith arnynt mew un man taclus. Mae Nodyn yn gôd Wici arbennig sy'n galw am wybodaeth o lefydd eraill, fel arfer, neu'n galw tudalen gyfan i'r man lle caiff y Nodyn ei gosod.

Profwch yr hyn rydych wedi ei ddysgu yn y Pwll tywod

Parhau â'r tiwtorial gyda Tudalennau sgwrs→