Gorsaf reilffordd Waterloo Llundain

Waterloo
Lleoliad
Lleoliad	Lambeth
Awdurdod lleol	Bwrdeistref Lambeth
Gweithrediadau
Côd gorsaf	WAT
Rheolir gan	Network Rail
Nifer o blatfformau	19
Manylion byw am drenau o'r orsaf a gwybodaeth gorsaf gan National Rail Enquiries
Defnydd teithwyr blynyddol
2009-10	86,397 miliwn
2010-11	91,750 miliwn

Terfynfa reilffordd fawr yng nghanol Llundain yw Gorsaf Waterloo Llundain. Mae wedi'i lleoli i'r de o Afon Tafwys ger Pont Waterloo, mae'r orsaf yn gwasanaethu De Lloegr, De-Orllewin Lloegr a gorsafoedd maestrefol Gorllewin Llundain.

Gorsaf Waterloo Llundain yw gorsaf drenau prysuraf y Deyrnas Unedig o ran nifer y teithwyr ac yn un o orsafoedd trenau prysuraf Ewrop, gydag 88 miliwn yn teithio drwyddi yn ystod blwyddyn ariannol 2008-09.. Mae'r gwir nifer o deithwyr fodd bynnag yn debygol o fod yn llawer uwch na'r ffigwr hwn, gan nad yw'n cynnwys teithwyr na brynodd docyn na theithwyr y London Underground. Gorsaf Waterloo Llundain yw gorsaf mwyaf Prydain o ran nifer o blatfformau ac o ran arwynebedd llawr. Gorsaf drenau prysuraf o ran nifer y trenau yw Gorsaf Clapham Junction, a saif bedair milltir i lawr y lein o Orsaf Waterloo Llundain.

Mae'r trefi sydd â gwasanaethau i Waterloo yn cynnwys y canlynol (rhestr anghyflawn):

• Reading
• Guildford
• Basingstoke
• Southampton
• Portsmouth
• Bournemouth
• Gorsafoedd maestrefol Gorllewin/De-orllewin Llundain

Lleolwyd y gan "Waterloo Sunset" gan y Kinks yng ngorsaf Waterloo.

Mae gorsaf Waterloo hefyd ar rwydwaith y London Underground, sy'n cysylltu gyda'r orsaf rheilffordd genedlaethol.