Constantine, Algeria

Constantine: un o'r pontydd enwog.

Dinas yn Algeria yw Constantine (Arabeg: قسنطينة ), a leolir yng ngogledd-ddwyrain y wlad. Mae'n brifddinas talaith Constantine. Poblogaeth: 462,187 (1998); 507,224 (amcangyfrif 2005); tua 700,000 efallai erbyn hyn. Dyma'r drydedd dinas yn Algeria o ran maint ei phoblogaeth.

Amgylchynnir y ddinas yn gyfangwbl bron gan geunant dwfn gyda sawl pont yn ei groesi.

Ei hen enw oedd Cirta. Cafodd ei sefydlu gan y Ffeniciaid. Daeth yn ganolfan fawr yn nheyrnas Numidia yn amser Massinissa. Cafodd ei dinistrio yn 311 OC ond cafodd ei hailadeiladu gan Cystennin Fawr (Constantine), Ymerodr Rhufain, a'i hailenwi ar ei ôl.

Adnabyddir Constantine am ei diwylliant a'i rhan yn hanes Gogledd Affrica. Mae'n un o ganolfannau mawr cerddoriaeth malouf a'r diwylliant arab-andalwsaidd yn gyffredinol.

Gefeilldrefi

• Istanbul (Twrci)
• Grenoble (Ffrainc)
• Sousse (Tunisia)

Dolenni allanol

• (Arabeg) (Ffrangeg) [1]

Eginyn erthygl sydd uchod am Algeria. Gallwch helpu Wicipedia drwy ychwanegu ato.