Al-Fâtiha

Al-Fâtiha: sŵra agoriadol y Coran

Al-Fâtiha ("Yr hyn sy'n agor", "agoriad") yw sŵra agoriadol y Coran. Mae'n un o destunau sylfaenol Islam, a elwir mewn rhai o'r Hadithau yn "Fam y Llyfr" (Umm al-Kitab) a "Mam y Coran" (Umm al-Qur'an). Fe'i hadroddir gan bob Mwslim uniongred ar ddechrau ei weddïo defodol, bum gwaith y dydd. Ar ôl adrodd y Fâtiha mae'n arferol dweud âmin (Amen). Mae'n un o'r sŵras byrraf yn y Coran, ac iddi 7 pennill (âya) byr yn unig:

1. 1. Yn enw'r Duw Trugarhaol, Rhoddwr pob daioni.
   2. Moliant i Dduw, Arglwydd y Bydysawd,
   3. Rhoddwr pob daioni, y Trugarhaol,
   4. Brenin Dydd y Farn Olaf.
   5. Fe'th addolwn; atat Ti yn unig trown am gymorth.
   6. Arwain ni hyd Llwybr Cyfiawnder,
   7. Llwybr y rhai sydd wedi derbyn Dy ddaioni, y rhai nad ennynant Dy ddicter, y rhai nad ydynt ar gyfeiliorn.