Québec (talaith)

Québec

Baner Québec Arfbais Québec
Arwyddair: Je me souviens (Ffrangeg 'Cofiaf')
Iaith swyddogol	Ffrangeg
Prifddinas	Québec
Dinas fwyaf	Montréal
Arwyddlun blodeuol	Iris versicolor
Is-Lywodraethwr	Pierre Duchesne
Prif Weinidog	Jean Charest (PLQ)
Poblogaeth  • Cyfanswm  • Dwysedd	2il 7,598,100 (2005) 4.90/km²
Arwynebedd  • Cyfanswm  • Tir  • Dŵr	2il 1,542,056 km² 1,183,128 km² 176,892 km² (11.5%)
Cydffederaleiddiad	1 Gorffennaf 1867 (1af)
Cylchfa amser	UTC-5, -4
Talfyriadau  • Cyfeiriad post  • ISO 3166-2	QC CA-QC
Safle gwe	www.gouv.qc.ca

Québec (Ffrangeg "Le Québec") yw'r dalaith fwyaf o ran tiriogaeth a'r ail o ran poblogaeth yng Nghanada. Fe'i lleolir yn nwyrain Canada. I'r gorllewin mae talaith Ontario, Bae James a Bae Hudson; i'r gogledd mae Culfor Hudson a Bae Ungava; i'r dwyrain mae Gwlff St Lawrence a thaleithiau Newfoundland a Labrador a New Brunswick; ac i'r de mae'r Unol Daleithiau (taleithiau Efrog Newydd, New Hampshire, Vermont a Maine. Mae'r rhan fwyaf o'r boblogaeth yn byw ar lannau Afon St Lawrence, ac mae ardaloedd gogleddol y dalaith yn denau eu poblogaeth.

Québec yw'r unig dalaith yng Nghanada lle mae mwyafrif y boblogaeth (82%) yn siarad Ffrangeg fel mamiaith. Ffrangeg yw'r unig iaith swyddogol. Siaredir Saesneg fel mamiaith gan tuag 8% o'r boblogaeth gan fwyaf yn Montréal, dinas fwyaf poblog y dalaith, ac yn ardal Outaouais ar y ffin ag Ontario. Dinas Québec yw ei phrifddinas. Yn ôl y cyfreithiau iaith, mae'n rhaid i'r llythyrennau Ffrangeg ar arwyddion fod yn fwy na llythyrennau unrhyw iaith arall. [1] Mae hon yn achosi problemau i fwytai Tsieineaidd, achos bod rhaid i lythyrennau Tseineg fod yn eitha fawr i fod yn ddealladwy.