Rhys Ifans

Rhys Ifans
Galwedigaeth	Actor

Actor a chanwr o Gymru yw Rhys Ifans (ganed 22 Gorffennaf 1967). Cafodd ei eni yn Hwlffordd, Sir Benfro, ond symudodd y teulu i Ruthun yn Sir Ddinbych, lle cafodd ei addysg gynradd yn Ysgol Pentrecelyn a'i addysg uwchradd yn Ysgol Maes Garmon, yr Wyddgrug. Roedd ei fam, Beti Wyn, yn Brifathrawes yn Ninbych tan iddi ymddeol ar ddiwedd y 90au ac roedd Eurwyn, ei dad, yn athro cynradd ym Mwcle. Roedd ei dad yn aelod o Gwmni Drama John Owen yn Rhuthun a chafodd Rhys brentisiaeth dan adain ei dad. Cafodd hefyd gyfle tra'n ifanc i actio yn Theatr Clwyd, Yr Wyddgrug.

Yn Gymro Cymraeg, ymddangosodd mewn amryw o raglenni teledu Cymraeg, megis Pobol y Chyff ar S4C cyn esgor ar yrfa ym myd ffilmiau rhyngwladol.

Ym Medi 2012 cafodd ei benodi yn Llywydd Anrhydeddus Cymdeithas Llwybrau Byw, sef y gymdeithas sy'n gefn i Wicipedia Cymraeg.

Ei yrfa

Mae wedi perfformio yn y Theatr Frenhinol Genedlaethol, Llundain ac yn Theatr Frenhinol y Gyfnewidfa, Manceinion. Bu'n brif ganwr y Super Furry Animals ar un adeg, cyn iddynt ddod i amlygrwydd. Ym Mehefin 2008 sefydlodd fand newydd o'r enw The Peth; ef yw prif ganwr y grŵp. Mae un o'u caneuon yn cyfeirio at gyn-ffrind iddo, sef Sienna Miller, a oedd i'w gweld gyda Rhys yn Rhuthun, Nadolig 2007. Cafodd y ddau datŵ gwennol ar eu garddwn chwith. ` Cafodd Radd Anrhydedd gan Brifysgol Bangor yng Ngorffennaf 2007 am ei gyfraniad i'r byd ffilmiau.

Ymhlith ei ddramâu llwyfan y mae: 'Accidental Death Of An Anarchist', a berfformiwyd yn Theatr Donmar, Llundain, 2003, 'Hamlet' yn Theatr Clwyd, 'A Midsummer Night's Dream' yn Regent's Park Theatre ac 'Under Milk Wood' a 'Volpone' yn y Royal National Theatre.

Ffilmiau

• Anonymous (2001)
• Harry Potter and the Deathly Hallows (2010)
• Mr. Nice (2010)
• The Boat that Rocked (2009)
• Nobody (2009)
• The Informers (2008)
• The Restraint of Beasts (2008)
• A Number (2008) (teledu)
• Elizabeth: The Golden Age (2007)
• Hannibal Rising (2007)
• Four Last Songs (2007)
• Garfield: A Tail of Two Kitties (2006) (llais)
• The Undertaker (2005/I)
• Chromophobia (2005)
• Sueño de una noche de San Juan, El (2005) (llais)
• Not Only But Always (2004) (teledu)
• Enduring Love (2004)
• Vanity Fair (2004)
• Danny Deckchair (2003)
• Once Upon a Time in the Midlands (2002)
• The Shipping News (2001)
• The 51st State (2001)
• Carol: The Movie (2001) (llais)
• Hotel (2001)
• Human Nature (2001)
• Little Nicky (2000)
• The Replacements (2000)
• Kevin & Perry Go Large (2000)
• Love, Honour and Obey (2000)
• Rancid Aluminium (2000)
• Hooves of Fire (1999) (teledu) (llais)
• You're Dead... (1999)
• Janice Beard 45 wpm (1999) (teledu)
• Notting Hill (1999)
• Heart (1999)
• Dancing at Lughnasa (1998)
• Trial & Retribution (1997) (teledu)
• The Sin Eater (1997) (teledu)
• Twin Town (1997)
• August (1996)
• Streetlife (1995)
• "Nightshift" (1993) cyfres deledu
• "Spatz" .... Dave (1991)
• Time and Efficiency (1991) Rhaglen deledu
• Star Attraction (1991) Rhaglen deledu

Enillodd wobr BAFTA am yr Actor Gorau am ei berfformiad fel Peter Cook yn Not Only But Always.

Cysylltiad allanol

• (Saesneg) Rhys Ifans yn y Databas Ffilmiau'r Rhyngrwyd (IMDb)

Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.