Shane Williams: Gwahaniaeth rhwng fersiynau

Oddi ar Wicipedia
Cynnwys wedi'i ddileu Cynnwys wedi'i ychwanegu
Dim crynodeb golygu
Dim crynodeb golygu
Llinell 15: Llinell 15:


Chwaraeodd ei gem olaf dros ei wlad yn erbyn Awstralia yn [[Stadiwm y Mileniwm]] ar 3 Rhagfyr 2011. Sgoriodd ei 58fed cais dros Gymru yn eiliadau olaf y gem.
Chwaraeodd ei gem olaf dros ei wlad yn erbyn Awstralia yn [[Stadiwm y Mileniwm]] ar 3 Rhagfyr 2011. Sgoriodd ei 58fed cais dros Gymru yn eiliadau olaf y gem.

Ymunodd Shane Williams â thîm cyflwyno ''Y Clwb Rygbi Rhyngwladol'' ar S4C ar gyfer Pencampwriaeth y Chwe Gwlad yn 2012<ref>[http://www.s4c.co.uk/rygbi/2012/01/y-clwb-rygbi-rhyngwladol-2/ Gwefan S4C]</ref>.


==Cyfeirnodau==
==Cyfeirnodau==

Fersiwn yn ôl 18:01, 5 Chwefror 2012

Shane Williams yn gwisgo crys y Gweilch

Chwaraewr Rygbi'r Undeb i dîm y Gweilch a chyn-chwaraewr rhyngwladol dros Gymru yw Shane Mark Williams (ganed 26 Chwefror 1977). Mae'n chwarae fel asgellwr fel rheol, ond gall chwarae fel mewnwr neu fel maswr.

Ganed ef yn Abertawe, a bu'n chwarae rygbi i dîm Castell Nedd cyn ymuno a'r Gweilch. Enillodd ei gap cyntaf dros Gymru mewn gêm yn erbyn yr Eidal yn 2000, pan sgoriodd gais.

Yn ystod Pencampwriaeth y Chwe Gwlad yn 2005, roedd yn rhan o'r tîm Cymreig a gyflawnodd y Gamp Lawn, gan sgorio cais yr un yn erbyn yr Eidal, yr Alban a Lloegr. Dewiswyd ef i fynd i Seland Newydd gyda'r Llewod yr un flwyddyn. Sgoriodd bum cais mewn gêm yn erbyn Manawatu.

Yn ystod Pencampwriaeth y Chwe Gwlad 2008, sgoriodd ddau gais yr un yn erbyn yr Alban a'r Eidal a chais yn erbyn Iwerddon; y cais yn erbyn Iwerddon oedd y 40fed iddo ei sgorio i Gymru, yn ei roi yn gydradd a Gareth Thomas fel y sgoriwr uchaf i Gymru. Yng ngêm olaf y bencampwriaeth, yn erbyn Ffrainc, sgoriodd gais arall i dorri'r record. Ar ddiwedd y gystadleuaeth, enwyd ef yn chwaraewr y bencampwriaeth.

Enillodd yr anrhydedd o fod yn Personoliaeth Chwaraeon Cymreig y Flwyddyn BBC Cymru yn 2008. Daeth ei gais yn erbyn yr Alban yn gêm gyntaf Pencampwriaeth y Chwe Gwlad 2009 a'i gyfanswm i 45 cais.

Cyhoeddodd Shane y byddai'n ymddeol ar ddiwedd cystadleuaeth Cwpan y Byd 2011. Sgoriodd dri cais yn y gystadleuaeth gan symyd y cyfanswm o nifer o geisiau a sgoriodd dros Gymru i 57. Dywedodd ei gyd-chwaraewr Jamie Roberts ei fod yn tybio mai Shane Williams oedd chwaraewr mwyaf cyffrous ei genhedlaeth.[1]

Mae Shane yn siarad Cymraeg yn rhugl ac mae wedi ymddangos mewn sawl rhaglen ar S4C, gan gynnwys Clwb Rygbi Shane.

Chwaraeodd ei gem olaf dros ei wlad yn erbyn Awstralia yn Stadiwm y Mileniwm ar 3 Rhagfyr 2011. Sgoriodd ei 58fed cais dros Gymru yn eiliadau olaf y gem.

Ymunodd Shane Williams â thîm cyflwyno Y Clwb Rygbi Rhyngwladol ar S4C ar gyfer Pencampwriaeth y Chwe Gwlad yn 2012[2].

Cyfeirnodau

Rhagflaenydd:
Joe Calzaghe
Personoliaeth Chwaraeon Cymreig y Flwyddyn BBC Cymru
2008
Olynydd:
Ryan Giggs