Amgueddfa Gelf Philadelphia

Mae Amgueddfa Gelf Philadelphia, a gaiff ei adnabod yn lleol fel "Yr Amgueddfa Gelf", yn un o amgueddfeydd celf mwyaf yr Unol Daleithiau. Fe'i lleolir ar ochr orllewinol y Benjamin Franklin Parkway ym Mharc Fairmount Philadelphia. Sefydlwyd yr amgueddfa ym 1876 mewn cydweithrediad a'r Dangosiad Canmlwyddiant yn yr un flwyddyn. Yn wreiddiol, cafodd ei alw'n Amgueddfa ac Ysgol Pennsylvania o Gelf Diwydiannol a chafodd ei ysbrydoli gan Amgueddfa De Kensington yn Llundain, (bellach Amgueddfa Victoria ac Albert). Agorodd yr amgueddfa i'r cyhoedd ar y 10fed o Fai, 1877.

Cyswllt yr Amgueddfa â Philadelphia

Yn ogystal â phensaernïaeth a'r casgliadau, mae Amgueddfa Gelf Philadelphia yn enwog am yr olygfa enwog yn y ffilm Rocky, a'r ffilmiau olynnol, II, III, V a Rocky Balboa. Yn aml, gwelir ymwelwyr i'r amgueddfa yn efelychu rhediad enwog Sylvester Stallone i fyny'r grisiau o flaen yr adeilad.

Rhoddwyd cerflun efydd o Rocky ar ben y grisiau am gyfnod byr tra'n ffilmio Rocky III. Yn ddiweddarach, fe'i symudwyd i'r Wachovia Spectrum yn sgîl yn dadlau brwd a welwyd ynglyn ag ystyr "celf". Dychwelyd y cerflun i'r grisiau ar gyfer ffilmio Rocky V ac ymddengys yno yn y ffilmiau Philadelphia a Mannequin. Serch hynny, symudwyd y cerflun i waelod y grisiau ar yr 8fed o Fedi, 2006.

Oherwydd lleoliad yr amgueddfa, ar waelod y Ben Franklin Parkway, cynhelir nifer o gyngherddau a gorymdeithiau yno. Ar yr 2il o Orffennaf, 2005, defnyddiwyd grisiau'r amgueddfa i gynnal cyngerdd Live 8 Philadelphia, lle perfformiodd artistiaid megis Dave Matthews Band, Linkin Park a Maroon 5. Caeodd yr amgueddfa ar gyfer Live 8 ond ail-agorodd y diwrnod canlynol.

Daliadau Adnabyddus

• 
  Toulouse-Lautrec, The Dance at Moulin Rouge, 1889-90
• 
  Van Gogh, Vase with twelve Sunflowers, Arles, January 1889
• 
  J. M. W. Turner, The Burning of the Houses of Lords and Commons, 1835
• 
  Peter Paul Rubens, Prometheus Bound, 1611-12
• 
  El Greco, Pietà, 1571-1576
• 
  Édouard Manet, The Departure of Steam Folkestone, 1869
• 
  Thomas Eakins, The Gross Clinic, 1875
• Marcel Duchamp, Nude Descending a Staircase, No.2 1912
  Marcel Duchamp, Nude Descending a Staircase, No.2 1912
• 
  Paul Cezanne, Bathers, 1898-1905
• 
  Salvador Dali, Soft Construction with Boiled Beans (Premonition of Civil War), 1936
• 
  Édouard Manet, The Battle of The Alabama and Kearsarge, 1864
• 
  Pierre-Auguste Renoir, The Large Bathers, 1887
• 
  Claude Monet, Japanese Bridge and Water Lilies, c.1899
• 
  Claude Monet, Poplars (Autumn), 1891
• 
  Georges-Pierre Seurat, Gray weather, Grande Jatte, 1888

Dolenni allanol

• (Saesneg) Gwefan Amgueddfa Gelf Philadelphia
• (Saesneg) Rhestr o Benseiri ac Adeiladau Philadelphia