C'mon Midffîld!

Cyfres deledu ddrama a chomedi hynod boblogaidd oedd C'mon Midffîld!. Cynhyrchwyd y rhaglen gan Ffilmiau'r Nant a ddarlledwyd gyntaf ar yr 18 Tachwedd 1988 ar S4C. Darlledwyd chwe chyfres dros gyfnod o chwe mlynedd cyn i'r rhaglen ddod i ben yn 1994. Dechreuodd fel rhaglen ar BBC Radio Cymru, a darlledwyd tair cyfres cyn i C'mon Midffîld! symyd i sgriniau teledu ledled y wlad. Y cyfarwyddwr oedd Alun Ffred Jones a gyd-ysgrifennodd y gyfres â Mei Jones, a chwaraeodd y cymeriad poblogaidd Wali Thomas.

Deng mlynedd wedi i'r gyfres olaf gael ei dangos yn 1994, dilynodd C'mon Midffild! duedd nifer o raglenni comedi Saesneg fel Only Fools and Horses gan ail-ymddangos am un ffilm arbennig amser Nadolig 1994: C'mon Midffîld a Rasbrijam. Er gwaetha adolygiadau cymysg y ffilm, ystyrir C'mon Midffîld! yn un o'r rhaglenni Cymraeg mwyaf poblogaidd yn hanes S4C, ac mae'r grwpp Facebook perthnasol yn brolio dros 2,500 aelod. Nid oes bwriad ar hyn o bryd i ffilmio unrhyw gyfresi pellach ond mae'r gyfres yn cael ei ailddarlledu yn aml ar S4C.

Seiliwyd y rhaglen ar Glwb Pêl-droed Pontrhydfendigaid.. Yn y gorffennol cynrychiolwyd y clwb penodol gan nifer o gast y rhaglen.

Enillodd y rhaglen wobr 'Y Ddrama Gyfres / Gyfresol Orau' BAFTA Cymru i Mei Jones ac Alun Ffred yn 1992. Enillodd Mei Jones hefyd wobr 'Yr Awdur Gorau Ar Gyfer Y Sgrin - Cymreig' BAFTA Cymru.

Cymeriadau

• Arthur Picton - John Pierce Jones
• Tecwyn Parri - Bryn Fôn
• Wali Thomas - Mei Jones
• George Huws - Llion Williams
• Sandra Picton/Huws - Sian Wheldon (Cyfres 1-5); Gwenno Hodgkins (Cyfres 6)
• Lydia Thomas - Catrin Dafydd
• Harri - Rhys Richards
• Graham - Mal Lloyd
• Jean Parri - Bethan Gwilym

Pennodau

• Yr Italian Job
• Il Lavoro In Italia
• Ty Fy Nhad
• Tibetans V Mouthwelians
• O Mam Bach
• Meibion Bryncoch
• Ffilm Yr Eidal
• Trwy Ddirgel Ffyrdd
• Fe Gei Di Fynd I'r Bol…
• Eira Man, Eira Mawr
• Yr Etholedig Rai
• Cymorth Hawdd Ei Gael
• Yr Alpha A'r Omega
• Wrth Gicio A Brathu
• Henaint Ni Ddaw Ei Hunan
• Elen Fwyn, Elen…
• Mi Af I Briodas Yfory
• Y Cocyn Hitio
• Dechrau'r Diwedd
• Y Maes Chwarae
• Seren Ddisglair
• Lladron y Nos
• Traed Moch
• Y Trip
• Can Di Bennill Fwyn
• Craig o Arian
• Bryn o Briten
• Y Gwir yn Erbyn y Byd
• Gweld Ser
• Rhyfel Cartra
• Match o Ddy' De
• Nadolig Llawen?

Rhaglenni/Ffilmiau Unigol

• C'mon Midffild a Rasbrijam
• Doli Bryncoch
• Midffild - Y Mwfi

Rhyddhau

Rhyddhawyd y gyfres mewn set o 10 DVD rhwng 2005 a 2007.

Ffynonellau

Eginyn erthygl sydd uchod am deledu. Gallwch helpu Wicipedia drwy ychwanegu ato