Mebyon Kernow

Baner Mebyon Kernow

Baner Cernyw

Plaid wleidyddol chwith-o'r-canol ydy Mebyon Kernow (sef y gair Cernyweg am Feibion Cernyw neu'r MK), sy'n blaid weithredol yng Nghernyw, gwledydd Prydain.

Prif amcanion MK ydyw sefydlu graddfa o hunan-lywodraeth i Gernyw drwy sefydlu Cynulliad i Gernyw drwy ddeddfwriaeth. Hyd yma nid oes ganddynt aelod etholedig yn San Steffan, ac nid ydynt yn cael ec gynrychioli yn Nhŷ'r Arglwyddi. Ym Mehefin 2009 etholwyd tri o'u haelodau yn gynghorwyr.

Hanes

Sefydlwyd MK ar 6 Ionawr 1951 mewn cyfarfod yn Redruth. Etholwyd Helena Charles yn gadeirydd cyntaf y blaid. Yn y cyfarfod cyntaf, derbyniwyd yr amcanion canlynol:

1. Archwilio cyflwr y wlad gan weithredu drosti i ddad-wneud unrhyw ragfarnau, er mwyn Cernyw, drwy newid safbwyntiau pobl Cernyw, neu drwy unrhyw ddull arall.
2. I feithrin y Gernyweg a llenyddiaeth Gernyweg.
3. I hyrwyddo'r astudiaeth o hanes Cernyw, o safbwynt pobl Cernyw.
4. Addysgu pobl i'w gweld eu hunain fel un o'r chwe gwlad Geltaidd.
5. I gyhoeddi pamffledi, papurau, erthyglau a llythyrau yn y wasg pan fo hynny'n bosibl.
6. I drefnu cyngherddau a digwyddiadau i'w cynnal gyda blas Cernyw-Geltaidd arnynt, er mwyn hybu'r amcanion hyn.
7. I gydweithio gyda chymdeithasau sy'n ymwneud â chadw cymeriad Cernyw.

Arweinwyr y blaid

• 1951 Helena Charles
• 1959 Major Cecil Beer
• 1970 Len Truran
• 1973 Richard Jenkin
• 1991 Loveday Jenkin
• 1997 Dick Cole

Gweler hefyd

• Kernow X - Mudiad Ieuenctid MK
• Hanes Cernyw
• Gorseth Kernow Gorsedd y Beirdd
• Sant Piran Nawddsant Cernyw
• Dolly Pentreath Yr olaf i siarad Cernyweg i dwristiaid efo diddordeb yn yr iaith (roedd siaradwyr brodorol tan ganol y bedwerydd ganrif ar bymtheg)