Antiquae Linguae Britannicae ... Rudimenta
| Data cyffredinol | |
|---|---|
| Enghraifft o'r canlynol | gramadeg  |
Llyfr gramadeg Cymraeg gan John Davies o Fallwyd yw'r Antiquae Linguae Britannicae ... Rudimenta (sef "Elfennau'r ... Iaith Brydeinig Hynafol"), a gyhoeddwyd yn 1621. Lladin - iaith ysgolheictod rhyngwladol y Dadeni Dysg - yw iaith y llyfr ar wahân i eiriau ac ymadroddion Cymraeg enghreifftiol yn y testun.
Cynnwys[golygu | golygu cod]
Dyma waith mwyaf enwog y Dr John Davies (1567-1644). Yn ôl Thomas Parry yn ei gyfrol Hanes Llenyddiaeth Gymraeg hyd 1900, mae'r llyfr hwn yn "gampwaith mewn gramadeg" sy'n dangos mai John Davies oedd "un o dri neu bedwar ysgolhaig mwyaf Cymru."[1]
Yn ogystal â'r disgrifiad o ramadeg yr iaith Gymraeg, ceir pennod ar fesurau Cerdd Dafod ar ddiwedd y llyfr sy'n disgrifio'r Pedwar mesur ar hugain ac yn cymharu barddoniaeth Gymraeg a barddoniaeth Hebraeg.[1]
Rhagflaenir testun y gramadeg gan Lythyr Annerch at Edmwnd Prys, Archddiacon Meirionnydd.[2]
Llyfryddiaeth[golygu | golygu cod]
- Testun
- John Davies, Antiquae Linguae Britannicae ... Rudimenta. Argraffwyd gan John Bill, Llundain, 1621.[2]
- Adargraffiad ffacsimili. Scolar Press, Mamston, 1968.
Ceir cyfieithiad Cymraeg o'r rhagymadrodd Lladin yn,
- Ceri Davies, Rhagymadroddion a Chyflwyniadau Lladin 1551-1632 (Gwasg Prifysgol Cymru, Caerdydd, 1980), pennawd IX.