Aneurin Barnard
| Aneurin Barnard | |
|---|---|
.jpg) | |
| Ganwyd | 8 Mai 1987  Ogwr |
| Dinasyddiaeth |  Cymru |
| Alma mater | |
| Galwedigaeth | actor, actor llwyfan, actor ffilm, actor teledu |
| Gwobr/au | Gwobr Laurence Olivier |
Actor llwyfan, ffilm-a-theledu Cymreig yw Aneurin Barnard (ganed 8 Mai 1987). Mae'n fwyaf adnabyddus am ei ran fel Davey yn Hunky Dory, Claude yn The Truth About Emanuel, Bobby Willis yn ffilm deledu Cilla a Rhisiart III yn The White Queen.
Bywyd cynnar[golygu | golygu cod]
Ganed Aneurin Barnard yn Nghwmogwr, Morgannwg Ganol yn fab i June, gweithiwr mewn ffatri a Terry Barnard, glöwr.[1][2] Mae ganddo chwaer o'r enw Ceri.[2] Mae'n gyn-ddisgybl o Ysgol Gyfun Llanhari a mae'n siarad Cymraeg. Fe serennodd yng nghyfres HTV Cymru, Jacob's Ladder pan oedd yn 11 a 12 mlwydd oed. Cafodd ei hyfforddi fel actor yn y Coleg Cerdd a Drama yng Nghaerdydd ar yr un pryd a Kimberley Nixon a Tom Cullen, gan raddio yn 2008.[3] Mae hefyd yn ganwr sydd wedi recordio nifer o ganeuon Cymraeg.
Gyrfa[golygu | golygu cod]
Aneurin oedd yn chwarae Melchior, un o'r tri prif ran, yng nghast gwreiddiol cynhyrchiad Llundain o Spring Awakening a agorodd yn Chwefror 2009 yn theatr y Lyric, Hammersmith.[4][5] Yn ddiweddarach fe drosglwyddodd y ddrama i Theatr Novello yn Mawrth 2009, gan redeg tan Mai 2009. Enillodd Barnard Wobr Laurence Olivier yn 2010 am yr actor gorau mewn sioe gerdd am ei ran.[6]
Mae wedi ymddangos mewn rhannau gwadd yng nghyfresi teledu Doctors, Casualty, Shameless, Y Pris a Jacob's Ladder.[7] Mae wedi ymddangos mewn nifer o ffilmiau byr ar deledu yn cynnwys The Big Day, Night on the Tiles a Owl Creek Bridge - a enillodd BAFTA Cymru.[8]
Mae ei waith theatr yng Nghymru yn cynnwys chwarae Don Lockwood yn y sioe gerdd Singin' in the Rain ar gyfer Theatr Ieuenctid Penybont-ar-ogwr a Il Miracolo ar gyfer Elan Wales.[9] Tra'n astudio yn yr ysgol ddrama, ymddangosodd mewn cynyrchiadau o The Caucasian Chalk Circle, Hobson’s Choice, The Importance of Being Earnest a West Side Story, lle roedd yn chwarae Tony. Roedd hefyd yn rhan o gynhyrchiad radio o Under Milk Wood.[10]
Ymddangosodd Barnard yn Ironclad, ffilm wedi ei osod yn 1215 oedd yn dangos cefndir arwyddo y Magna Carta gan y Brenin John a'r gwrthryfel gan ei farwniaid. Serennodd hefyd yn ffilm gerddorol annibynnol Hunky Dory ochr yn ochr â Minnie Driver yn 2011. Mae'r ffilm yn cymryd lle yn 1976 yn ystod yr haf poethaf ers i gofnodion ddechrau, ac yn cynnwys caneuon o'r cyfnod fel Life on Mars gan David Bowie a Love Reign O'er Me gan The Who.
Yn Ionawr 2012 serennodd fel y ffotograffydd David Bailey yn y ffilm deledu We'll Take Manhattan wrth ochr Karen Gillan. Ymddangosodd hefyd yn y ffilm arswydd Elfie Hopkins wrth ochr Jaime Winstone. Fe'i ystyriwyd ar gyfer rhan Jack yn y ffilm Jack the Giant Slayer yn 2013 ond fe aeth y rhan i Nicholas Hoult.[11]
Fe ymddangosodd Barnard mewn prif rhan yn Guinea Pigs gan Vertigo Films[12], hefyd gyda'r enw The Facility, ffilm arswyd, atmosfferig ar gyllid isel am wirfoddolwyr yn ymladd am ei bywyd ar ôl i brawf clinigol fynd o'i le. Roedd y ffilm hefyd yn serennu Alex Reid, Chris Larkin, Nia Roberts, Oliver Coleman, Skye Lourie, Jack Doolan a Amit Shah. Yn ddiweddarach yn 2012 fe serennodd yn y ffilm arswyd-gyffro Citadel.
Rhwng Ebrill a Mehefin 2012 fe ffilmiodd y ffilm antur ffantasi The Adventurer: The Curse of the Midas Box[13] yn ardal De-Orllewin Lloegr, gan chwarae'r prif ran o Mariah Mundi. Fe ddaeth y ffilm allan yn 2013. Fe ymddangosodd hefyd yn Trap for Cinderella (2013) a gyfarwyddwyd gan Iain Softley, ffilm wedi ei seilio ar lyfr Sébastien Japrisot a fe bortreadodd y cymeriad Claude yn nrama gyffro The Truth About Emanuel gan Francesca Gregorini.
Fe bortreadodd Barnard Rhisiart III, brenin Lloegr yn y gyfres deledu The White Queen ar BBC One. Fe ymddangosodd fel John Trenchard yn addasiad dau-ran o Moonfleet a ffilmiwyd yn Iwerddon a ddarlledwyd ar Sky1 yn Rhagfyr 2013.
Yn 2014, roedd Barnard yn gweithio ar ei ran fel Charles Knight yn y ffilm wyddonias Grotesque wrth ochr Nicholas Hoult, Alex Reid, Ivan Dorschner a Allen Leech. Mi fydd yn ymddangos yn y ffilm The Devil's Harvest. Fe wnaeth hefyd chwarae rhan Bobby Willis, y rheolwr cerddoriaeth o Lerpwl a gŵr Cilla Black wrth ochr Sheridan Smith yn nghyfres ddrama tri rhan Cilla ar ITV, oedd yn edrych ar fywyd cynnar Cilla Black a sut ddaeth i enwogrwydd.
Yn 2015 serennodd fel Boris Drubetskoy yn addasiad teledu Andrew Davies o War and Peace gan Leo Tolstoy a ddarlledwyd ar BBC One.[14]
Ym mis Mai 2021, ymddangosodd yn y gyfres ddrama The Pact ar BBC One, stori gyffro wedi ei leoli mewn bragdy yng Nghymru.[15]
Ffilmyddiaeth[golygu | golygu cod]
Ffilm[golygu | golygu cod]
| Blwyddyn | Teitl | Rhan | Nodiadau |
|---|---|---|---|
| 2007 | Owl Creek Bridge | Damien | Ffilm fer |
| 2011 | Elsewhere | Nick | Ffilm fer |
| 2011 | Ironclad | Guy the Squire | |
| 2011 | Powder | Miguel | |
| 2011 | Queen of Hearts | Bad Knight | Ffilm fer |
| 2011 | Hunky Dory | Davey | |
| 2012 | Citadel | Tommy | |
| 2012 | Elfie Hopkins | Dylan Parker | |
| 2012 | The Facility | Adam | |
| 2013 | The Truth About Emanuel | Claude | |
| 2013 | Trap for Cinderella | Jake | |
| 2013 | Mary Queen of Scots | Darnley | |
| 2014 | The Adventurer: The Curse of the Midas Box | Mariah Mundi | |
| 2014 | The Devil's Harvest | Mykola | |
| 2015 | Legend | David Bailey |
Teledu[golygu | golygu cod]
| Blwyddyn | Teitl | Rhan | Nodiadau |
|---|---|---|---|
| 2003 | Jacob's Ladder | Young Jonathan | |
| 2007 | Y Pris | Tupac | |
| 2008 | Casualty | Damien | 1 pennod: "Hurt" |
| 2009 | Doctors | Chas Murdoch | 1 pennod: "Filmflam Thank You Man" |
| 2012 | We'll Take Manhattan | David Bailey | Ffilm deledu |
| 2013 | The White Queen | Richard, Duke of Gloucester, later King Richard III | Cyfres deledu fer 10 pennod |
| 2013 | Agatha Christie's Marple | Robbie Hayman | 1 pennod: "Endless Night" |
| 2013 | Moonfleet | John Trenchard | Cyfres deledu fer |
| 2014 | Under Milk Wood | Drowned | Ffilm deledu Rhan lleisiol |
| 2014 | Cilla | Bobby Willis | Cyfres deledu fer 3 pennod |
| 2015 | The Scandalous Lady W | Captain George Bisset | Ffilm deledu |
| 2015 | Killing Jesus | James, mab Zebedee | Cyfres deledu fer |
| 2016 | War and Peace | Boris | Cyfres deledu fer BBC |
| 2016 | Thirteen | Tim Hobson | Cyfres deledu |
| 2017 | SS-GB | PC Jimmy Dunn | Cyfres ddrama fer BBC |
| 2019 | Sherwood | Gisbourne | Rhan lleisiol |
| Midsomer Murders | Freddie Lamb | 1 Pennod: "With Baited Breath" | |
| 2020 | Barkskins | Hamish Goames | Cyfres deledu |
| 2021 | The Pact | Jack Evans | Cyfres ddrama fer BBC |
Gwobrau ac enwebiadau[golygu | golygu cod]
| Blwyddyn | Gwobr | Categori | Gwaith | Canlyniad |
|---|---|---|---|---|
| 2012 | Puchon International Fantastic Film Festival | Actor Gorau | Citadel | Enillodd |
| 2013 | Ashland Independent Film Festival | Ensemble Actio Gorau: Nodwedd Rhannwyd gyda Jessica Biel, Alfred Molina, Frances O'Connor, Jimmi Simpson, a Kaya Scodelario | The Truth About Emanuel | Enillodd |
Cyfeiriadau[golygu | golygu cod]
- ↑ http://www.interviewmagazine.com/film/aneurin-barnard-the-truth-about-fishes-sundance/
- ↑ 2.0 2.1 http://www.walesonline.co.uk/lifestyle/showbiz/aneurin-barnard-films-new-bbc-2022736
- ↑ http://metro.co.uk/2013/07/19/actor-thinks-richard-iii-gets-a-raw-deal-3888865/
- ↑ Mark Shenton (25 October 2008). "Initial Casting Announced for London Premiere of Tony-Winning Spring Awakening". Playbill. Cyrchwyd 2009-03-19.
- ↑ Paul Levy (6 Mawrth 2009). "'Spring Awakening' Is No Garden Variety High-School Musical". Wall Street Journal. Cyrchwyd 2009-03-19.
- ↑ Gwobrau Olivier yn dod i Gymru. Golwg360 (22 Mawrth 2010).
- ↑ "Aneurin Barnard secures film deal". Archifwyd o'r gwreiddiol ar 2009-09-23. Cyrchwyd 2016-01-09.
- ↑ Profile of Aneurin Barnard in South Wales Echo, Mawrth 2009
- ↑ "copi archif". Archifwyd o'r gwreiddiol ar 2003-12-02. Cyrchwyd 2021-02-19.
- ↑ Interview with Aneurin Barnard and other member cast of SPRING AWAKENING todoMUSICALES.com
- ↑ Kit, Borys (2010-11-30). "EXCLUSIVE: Bryan Singer Lining up Actors to Test for 'Jack the Giant Killer'". The Hollywood Reporter. Archifwyd o'r gwreiddiol ar 2011-03-03. Cyrchwyd 2011-03-02.
- ↑ Vertigo, NFTS start shoot for Guinea Pigs
- ↑ Adam Dawtrey (11 April 2012). http://www.variety.com/article/VR1118052510. Variety Article. Adalwyd 30 Gorffennaf 2012.
- ↑ "BBC - Filming begins on epic adaptation of War and Peace for BBC One - Media Centre". www.bbc.co.uk. Cyrchwyd 2016-01-06.
- ↑ Meet the cast of BBC One drama The Pact. Radio Times (17 Mai 2021).