Albert Gladstone

Oddi ar Wicipedia
Jump to navigation Jump to search
Albert Gladstone
Ganwyd 28 Hydref 1886 Edit this on Wikidata
Penarlâg Edit this on Wikidata
Bu farw 2 Mawrth 1967 Edit this on Wikidata (80 oed)
Fordingbridge Edit this on Wikidata
Dinasyddiaeth Baner Cymru Cymru
Alma mater
Galwedigaeth rhwyfwr Edit this on Wikidata
Gwobr/au MBE Edit this on Wikidata
Chwaraeon

Roedd Syr Albert Charles Gladstone, 5ed Barwnig , MBE , DL (28 Hydref 1886 - 2 Mawrth 1967) yn ŵr busnes Cymreig ac yn rhwyfwr a enillodd fedal aur yng Ngemau Olympaidd yr Haf 1908.

Ganwyd Gladstone yng Nghastell Penarlâg, Sir y Fflint yn fab hynaf y Parchedig Stephen Edward Gladstone ac Annie Crosthwaite Wilson, ei wraig. Roedd yn ŵyr i'r Prif Weinidog, William Ewart Gladstone. [1] Yn deuddeg mlwydd oed, mynychodd angladd wladol ei daid. [2]

Addysgwyd Gladstone yng Ngholeg Eton a graddiodd o Eglwys Crist, Rhydychen ym 1909 gyda gradd BA .

Yn ystod ei gyfnod yn Rhydychen roedd yn aelod o'r tîm rhwyfo wyth dyn gan rwyfo i Rydychen pedair gwaith yn Ras Gychod Rhydychen a Chaergrawnt rhwng 1906 a 1909. Roedd yn aelod o dîm rhwyfo Coleg Eglwys Crist a enillodd y Grand Challenge Cup yn Regata Frenhinol Henley ym 1908. Pedair wythnos yn ddiweddarach, roedd yn aelod o'r criw o wyth a enillodd y fedal aur am rwyfo dros Brydain Fawr yng Ngemau Olympaidd yr Haf 1908. [3]

Gwasanaethodd Gladstone yn ystod y Rhyfel Byd Cyntaf ym Mesopotamia [4] a Gallipoli, ac fe'i crybwyllwyd mewn cad lythyrau. Dyrchafwyd ef yn Gapten yn yr Ail / 5ed Catrawd Reiffl y Gurkha Brenhinol (Byddin y Ffiniau), yng Ngwarchodfa Byddin India, ac fe'i penodwyd yn Aelod o Urdd yr Ymerodraeth Brydeinig (MBE) ym 1919. [5]

Roedd Gladstone yn ddyn busnes llwyddiannus ac yn cynnal llawer o swyddi pwysig megis Cyfarwyddwr Banc Lloegr o 1924 i 1947 ac yn uwch bartner yng nghwmni Ogilvy, Gillanders & Company, marsiandwyr yn Nwyrain India. Fe'i penodwyd yn Rhaglaw Dinas Llundain ac yn Uchel Siryf Sir Llundain ym 1929. Ym 1935 daeth yn Gwnstabl Castell y Fflint gan gadw'r swydd hyd ei farwolaeth. [6] Etifeddodd y farwnigaeth wedi marwolaeth ei gefnder, Syr John Evelyn Gladstone, ar 12 Chwefror 1945. [7]

Bu farw Gladstone yn Fordingbridge, Hampshire yn 80 oed. Gan nad fu'n briod ac nid oedd ganddo fab, pasiodd y teitl i'w frawd iau, Charles Andrew Gladstone, a ddaeth yn 6ed Barwnig.

Cyfeiriadau[golygu | golygu cod y dudalen]

  1. Melville Henry de Massue (1994). The Blood Royal of Britain. Baltimore: Genealogical Pub Co. ISBN 0-8063-1431-1
  2. The London Gazette. 22 Mehefin 1898. t. 3845 adalwyd 2 Rhagfyr 2018
  3. Sports Reference Olympic Sports – Albert Gladstone adalwyd 2 Rhagfyr 2018
  4. "PERSONAL - The North Wales Chronicle and Advertiser for the Principality". Kenmuir Whitworth Douglas. 1919-03-21. https://hdl.handle.net/10107/4245875. Adalwyd 2018-12-02.
  5. https://www.thegazette.co.uk/London/issue/31210/supplement/2995 The London Gazette. 28 Chwefror 1919. t. 2995] adalwyd 2 Rhagfyr 2018
  6. "Sir Albert Charles Gladstone of Fasque and Balfour, 5th Bt" adalwyd 2 Rhagfyr 2018
  7. Burke's Peerage, Baronetage & Knightage, 107th edition, tudalen 1558