Ail Groesfan Hafren

Oddi ar Wicipedia
Jump to navigation Jump to search
Y bont o draeth yr Hafren

Pont draffordd sy'n cysylltu Cymru a Lloegr dros aber Afon Hafren yw Pont Tywysog Cymru (gynt Ail Groesfan Hafren). Fe'i hagorwyd ar 5 Mehefin 1996 i leddfu anawsterau traffig ar Bont Hafren, y groesfan gyntaf dros yr aber. Fe'i lleolir i'r de i'r bont wreiddiol.

Mae Ail Groesfan Hafren yn dwyn traffordd yr M4, oedd yn rhedeg dros Bont Hafren cyn iddi gael ei hadeiladu. Mae'r bont gyntaf yn dwyn traffordd yr M48 erbyn hyn.

Pont grog yw'r Bont Hafren gyntaf, ond mae'r ail bont yn wahanol.

Yn 2018, datganwyd bydd y bont yn cael ei hail-enwi'n Bont Tywysog Cymru i nodi pen-blwydd Siarl, Tywysog Cymru yn 70 oed. Cafodd y penderfyniad ei groesawu gan Alun Cairns, Ysgrifennydd Gwladol Cymru, a'i alwodd yn "deyrnged addas".[1] Gwrthwynebai'r enw newydd gan nifer fawr o Gymry,[2] ac arwyddwyd deiseb yn gwrthwynebu'r ailenwi gan dros 38,000 (Gorffennaf 2018)[3].

Golygfa ar y bont o lan ddeheuol aber Hafren

Cyfeiriadau[golygu | golygu cod y dudalen]

  1. "Ailenwi ail Bont Hafren “yn deyrnged addas” i’r Tywysog Charles", Golwg360 (5 Ebrill 2018). Adalwyd ar 8 Ebrill 2018.
  2. "Pont Tywysog Cymru: Yr ymateb i'r ail-enwi", BBC (5 Ebrill 2018). Adalwyd ar 8 Ebrill 2018.
  3.  Stop the renaming of the second Severn Crossing to the Prince of Wales Bridge. change.org (Ebrill 2018). Adalwyd ar 7 Gorffennaf 2018.