Afon Oren
Oddi ar Wicipedia
Afon yn Ne Affrica yw Afon Oren (Afrikaans: Oranjerivier, Saesneg: Orange River), weithiau hefyd afon Gariep. Hi yw afon hwyaf De Affrica, 1,860 km o hyd.
Ceir tarddle'r afon ym mynyddoedd y Drakensberg, ar y ffîn rhwng De Affrica a Lesotho. Llifa tua'r gorllewin, gan ffurfio'r ffîn rhwng De Affrica a Namibia cyn cyrraedd Cefnfor Iwerydd. Y fwyaf o'r afonydd sy'n llifo i mewn iddi yw afon Vaal.
Defnyddir dŵr yr afon i ddyfrhau cnydau, ac mae argae y Gariepdam (gynt yr Hendrik Verwoerddam) a'r Vanderkloofdam yn casglu dŵr yn y tymor glawog i'w ddefnyddio i ddyfrhau yn y tymor sych.
