36 Golygfa ar Fynydd Fuji

Y Don Fawr oddi ar Kanagawa (Kanagawa Oki Nami Ura) gan Hokusai.

Cyfres o brintiadau bloc pren ukiyo-e yw Tri deg chwech Golygfa ar Fynydd Fuji (Siapaneg: 富嶽三十六景, Fugaku Sanjūrokkei) gan yr arlunydd Siapaneaidd Katsushika Hokusai (1760–1849). Mae'r gyfres yn darlunio Mynydd Fuji, ar ynys Honshu, Siapan, trwy'r tymhorau ac mewn tywydd amrywiol o sawl lleoliad a phellter. Heddiw mae'n cynnwys 46 print mewn gwirionedd, a grewyd gan Hokusai rhwng 1826 a 1833. Cafwyd 36 yn y cyhoeddiad gwreiddiol ond, am iddi fod yn gymaint o lwyddiant, ychwanegwyd deg arall yn nes ymlaen.

Cefndir

Roedd printiau a darluniau o olygfeydd ar Fynydd Fuji yn destun poblogaidd gan artistiaid ukiyo-e. 36 Golygfa Hokusai yw'r enwocaf o lawer ond ceir sawl cyfres arall, yn cynnwys y gwaith o'r un enw gan Hiroshige a chyfres diweddarach gan Hokusai ei hun, sef Cant Golygfa ar Fynydd Fuji. Yn ogystal ceir nifer o brintiadau a lluniau unigol. Mae gan Fynydd Fuji lle arbennig yn niwylliant a chrefydd Siapan a dyna pam roedd yn denu cymaint o arlunwyr. Credid fod duwies wedi rhoi 'moddion bywyd' ar gopa'r mynydd ac roedd y Siapaneaid yn ystyried fod cyfrinach tragwyddoldeb ynghlwm wrth Fuji, sy'n esbonio obsesiwn Hokusai ac eraill gyda'r mynydd, efallai.

Printiadau

Y 36 gwreiddiol

Rh.	Delwedd	Teitl Cymraeg	Teitl Siapaneg
1		Y Don Fawr oddi ar Kanagawa	神奈川沖浪裏 Kanagawa oki nami-ura
2		Gwynt deheuol, awyr las (Fuji Coch)	凱風快晴 Gaifū kaisei
3		Storm glaw islaw'r copa	山下白雨 Sanka hakū
4		Dan Bont Mannen yn Fukagawa	深川万年橋下 Fukagawa Mannen-bashi shita
5		Sundai, Edo	東都駿台 Tōto sundai
6		Aoyama Enza no Matsu	青山円座松 Aoyama enza-no-matsu
7		Senju, Musashi	武州千住 Bushū Senju
8		Bwlch Inume, Kōshū	甲州犬目峠 Kōshū inume-tōge
9		Golygfa ar FFfiji, Talaith Owari	尾州不二見原 Bishū Fujimigahara
10		Ejiri, Talaith Suruga	駿州江尻 Sunshū Ejiri
11		Siop Mitsui yn Suruga, yn Edo	江都駿河町三井見世略図 Kōto Suruga-cho Mitsui Miseryakuzu
12		Machlud dros Bont Ryōgoku o lan afon Sumida yn Onmayagashi	御厩川岸より両国橋夕陽見 Ommayagashi yori ryōgoku-bashi yūhi mi
13		Neuadd Sazai - Teml y Pum Cant Rakan	五百らかん寺さざゐどう Gohyaku-rakanji Sazaidō
14		Tŷ te yn Koishikawa ar ôl bwrw eira	礫川雪の旦 Koishikawa yuki no ashita
15		Shimomeguro	下目黒 Shimo-Meguro
16		Rhaeadr yn Onden	隠田の水車 Onden no suisha
17		Enoshima yn nhalaith Sagami	相州江の島 Soshū Enoshima
18		Glan Bae Tago, Ejiri yn Tōkaidō	東海道江尻田子の浦略図 Tōkaidō Ejiri tago-no-ura
19		Yoshida, Tōkaidō	東海道吉田 Tōkaidō Yoshida
20		Llwybr môr talaith Kazusa	上総の海路 Kazusa no kairo
21		Pont Nihonbashi yn Edo	江戸日本橋 Edo Nihon-bashi
22		Tref dollborth ar Afon Sumida	隅田川関屋の里 Sumidagawa Sekiya no sato
23		Bae Noboto	登戸浦 Noboto-ura
24		Llyn Hakone yn nhalaith Sagami	相州箱根湖水 Sōshū Hakone kosui
25		Dal adlewyrchiad Mynydd Fuji yn Llyn Kawaguchi, o Fwlch Misaka yn nhalaith Kai	甲州三坂水面 Kōshū Misaka suimen
26		Hodogaya ar Ffordd Tōkaidō	東海道保ケ谷 Tōkaidō Hodogaya
27		Afon Tama ym Musashi	武州玉川 Bushū Tamagawa
28		Teml Asakusa Hongan-ji ym mhrifddinas y dwyrain (Edo)	東都浅草本願寺 Tōto Asakusa honganji
29		Ynys Tsukuda ym Musashi	武陽佃島 Buyō Tsukuda-jima
30		Traeth Shichiri yn Sagami	相州七里浜 Soshū Shichiri-ga-hama
31		Umegawa yn Sagami	相州梅沢庄 Soshū umezawanoshō
32		Kajikazawa yn nhalaith Kai	甲州石班沢 Kōshū Kajikazawa
33		Bwlch Mishima Pass yn nhalaith Kai	甲州三嶌越 Kōshū Mishima-goe
34		Mynydd Fuji o fynyddoedd Tōtōmi	遠江山中 Tōtōmi sanchū
35		Llyn Suwa yn nhalaith Shinano	信州諏訪湖 Shinshū Suwa-ko
36		Ushibori yn nhalaith Hitachi	常州牛掘 Jōshū Ushibori

Y 10 ychwanegol

Rh.	Delwedd	Teitl Cymraeg	Teitl Siapaneg
1		Bryn Goten-yama, Shinagawa, ar ffordd y Tōkaidō	東海道品川御殿山の不二 Tōkaidō Shinagawa Goten'yama no Fuji
2		Honjo Tatekawa, iard coed Honjo	本所立川 Honjo Tatekawa
3		Ardal bleser Senju	従千住花街眺望の不二 Senju Hana-machi Yori Chōbō no Fuji
4		Nakahara yn nhalaith Sagami	相州仲原 Sōshū Nakahara
5		Ōno Shinden yn Suruga	駿州大野新田 Sunshū Ōno-shinden
6		Dringo ar Fuji	諸人登山 Shojin tozan
7		Planhigfa te Katakura, Suruga	駿州片倉茶園の不二 Sunshū Katakura chaen no Fuji
8		Fuji o Kanaya ar y Tōkaidō	東海道金谷の不二 Tōkaidō Kanaya no Fuji
9		Y wawr yn Isawa, talaith Kai	甲州伊沢暁 Kōshū Isawa no Akatsuki
10		Cefn Fuji o afon Minobu	身延川裏不二 Minobu-gawa ura Fuji

Llyfryddiaeth

• Nagata, Seiji (1999). Hokusai: Genius of the Japanese Ukiyo-e. Kodansha, Tokyo.
• Smith, Henry D. II (1988). Hokusai: One Hundred Views of Mt. Fuji. George Braziller, Inc., Publishers, Efrog Newydd. ISBN 0807611956.

Dolenni allanol

Mae gan Gomin Wikimedia gyfryngau sy'n berthnasol i:

Tri deg chwech Golygfa ar Fynydd Fuji

• (Saesneg) Hokusai: 36 Golygfa ar Fynydd Fuji
• (Saesneg) Bywgraffiad Hokusai
• (Japaneg) 葛飾北斎の富士山・富嶽三十六景