Ysgol y Creuddyn

Oddi ar Wicipedia
Neidio i: llywio, chwilio
Ysgol y Creuddyn
Creuddyn.jpg
Arwyddair Dawn, Dysg, Daioni
Sefydlwyd 1981
Math Cyfun, y Wladwriaeth
Cyfrwng iaith Cymraeg
Pennaeth Dr Meirion Davies
Lleoliad Ffordd Derwen, Bae Penrhyn, Llandudno, Conwy, Cymru, LL30 3LB
AALl Cyngor Sir Conwy
Staff tua 60
Disgyblion 679[1]
Rhyw Cyd-addysgol
Oedrannau 11–18
Llysoedd Bodysgallen, Gloddaeth, Penrhyn
Lliwiau Gwyrdd tywyll a melyn
Cyhoeddiadau "Mwy nag Addysg" - Ysgol y Creuddyn 1981-2006
Gwefan creuddyn.conwy.sch.uk


Ysgol uwchradd Gymraeg yn sir Conwy yw Ysgol Y Creuddyn. Fe'i lleolir ar safle pwrpasol ar gyrion Bae Penrhyn, rhwng Llandudno a Bae Colwyn. Fe'i henwir ar ôl Y Creuddyn, enw hanesyddol yr ardal a chwmwd yn yr hen gantref Rhos.

Roedd 679 o ddisgyblion yn Ysgol y Creuddyn yn 2001, gan gynnwys 92 yn y chweched dosbarth yn ôl arolwg Estyn.[1]

Daw disgyblion yr ysgol o ddalgylch eang sy'n ymestyn cyn belled a Llanfairfechan ac Eglwysbach yn y gorllewin ac Abergele a Llansannan yn y dwyrain.

Hanes[golygu]

Daeth sefydlu Ysgol y Creuddyn wedi blynyddoedd o frwydro caled gan rieni, ynghŷd â chefnogaeth eglwysi Cymraeg y dalgylch a Chymdeithas y Cymrodorion. Gwrthwynebodd Pwyllgor Addysg Sir Gaernarfon y cynllun ar y sail nad oedd digon o ddisgyblion i gyfiawnhau ysgol ddwyieithog newydd yng nghyffiniau Llandudno. Parhaodd yr un agwedd yn nyddiau cynnar y Sir Gwynedd newydd wedi'r ad-drefnu ym 1974, ond parhaodd rhieni i bwyso'n ddi-baid ar y Pwyllgor Addysg. Daeth datblygiad yn ffurf llythyr Cyfarwyddwr Addysg Clwyd at Gyfarwyddwr Addysg Gwynedd, yn gofyn am ystyriaeth i godi ysgol ddwyieithog newydd ar y cyd, ar neu yn ymyl ffin y ddwy sir. Cytunodd Pwyllgor Addysg Gwynedd i'r gwahoddiad, a bu cydweithio hapus nes sicrhau tir i godi ysgol arno, bron ar y ffin. Penderfynwyd fod Gwynedd i weinyddu'r ysgol a bod cost ei chynnal i'w dalu yn ôl nifer y plant o'r ddwy sir.

Nid siroedd Caernarfon a Gwynedd yn unig a gwrthwynebodd y gofynion am ysgol ddwyieithog newydd. Yr oedd rhai unigolion lleol yn dymuno gohirio neu ddiddymu agor yr ysgol ar y sail nad oedd digon o ddisgyblion a theuluoedd Cymraeg yn y cyffiniau, a gwell byddai ychwanegu at ysgolion uwchradd lleol megis Ysgol John Bright yn Llandudno ac Ysgol Aberconwy yng Nghonwy.

Agorodd yr ysgol ddydd Mercher, Medi 2, 1982, i 218 o ddisgyblion tra fo'r adeiladu'n parhau. Agorwyd yr ysgol yn swyddogol Hydref 17, 1984 gan y cynghorydd O. M. Roberts; un o'r amlycaf o'r ymgyrchwyr a sicrhaodd fodolaeth yr ysgol a hefyd Cadeirydd cyntaf y Corff Llywodraethol.

[golygu]

Daw dyluniaud a siap logo'r ysgol o amlinelliad to neuadd ddrama'r ysgol.

Dolenni allanol[golygu]

Cyfeiriadau[golygu]

Apple-book.svg Eginyn erthygl sydd uchod am ysgol yng Nghymru. Gallwch helpu Wicipedia drwy ychwanegu ato.


CymruConwy.png Eginyn erthygl sydd uchod am fwrdeistref sirol Conwy. Gallwch helpu Wicipedia drwy ychwanegu ato.