Ysgol Morgan Llwyd
Ysgol gyfun Gymraeg sy'n gwasanaethu tref Wrecsam a'r cylch yw Ysgol Morgan Llwyd. Hon yw'r unig ysgol uwchradd Gymraeg ym mwrdeistref sirol Wrecsam. Fe'i henwir ar ôl y llenor Piwritanaidd Morgan Llwyd. Agorodd Ysgol Morgan Llwyd ym mis Medi 1963 a lleolwyd hi mewn ystafelloedd dosbarth gwag yn hen Ysgol Fodern Victoria. Symudodd i hen safle Gwersyll Maes-y-Meudwy yn Hightown ym mis Gorffennaf 1964, a chafwyd adeilad newydd yn 1975. Daeth yr ysgol yn boblogaidd a tyfodd y nifer o ddisgyblion yn sydyn. Canfwyd safle newydd yn yr 1990au ar ffurf hen goleg hyfforddi athrawon, Cartrefle, Cefn Road. Agorwyd y safle newydd yn swyddogol yn 2000, gyda chost o £8.5 miliwn a symudodd Ysgol St. Christopher i hen safle Ysgol Morgan Llwyd.[1]
Cynnwys |
[golygu] Ysgolion cynradd yn nhalgylch yr ysgol
Mae'r rhanfwyaf o'r disgyblion o'r ysgolion Cymraeg isod yn mynychu Ysgol Morgan Llwyd. Daw ychydig o ddisgyblion yn ogystal o ysgolion cynradd Saesneg cyfagos.
- Ysgol Bodhyfryd
- Ysgol Bryn Tabor
- Ysgol I. D. Hooson
- Ysgol Min y Ddôl
- Ysgol Plas Coch
- Ysgol y Gwernant, Llangollen
- Ysgol Gynradd Llanarmon Dyffryn Ceiriog
- Ysgol Cynddelw, Glyn Ceiriog (ysgol dwyieithog)
[golygu] Cyn-ddisgyblion o nôd
- Rhodri Glyn Thomas, gwleidydd
- Llŷr Williams, cerddor
- Lowri Tynan, nofiwr
