Ysgol Gymraeg Treganna

Oddi ar Wicipedia
Neidio i: llywio, chwilio
Ysgol Gymraeg Treganna
Logo Ysgol Gymraeg Treganna.png
Sefydlwyd 1987
Math Cynradd, y Wladwriaeth
Cyfrwng iaith Cymraeg
Pennaeth Rhys G. Harries
Lleoliad Sanatorium Road, Treganna, Caerdydd, Cymru, CF11 8DG
AALl Cyngor Caerdydd
Disgyblion 482 (2014)[1]
Rhyw Cyd-addysgol
Oedrannau 4–11
Gwefan http://www.ysgoltreganna.co.uk/

Ysgol gynradd Gymraeg yn ardal Treganna, Caerdydd yw Ysgol Gymraeg Treganna. Y prifathro presennol yw Rhys G. Harries.[2]

Sefydlwyd yr ysgol ym 1987, a hyd at 2013 rhannai ei safle ag ysgol gynradd Saesneg Radnor Road.[3] Symudodd i'w safle newydd, a adeiladwyd ar gost o oddeutu £9 miliwn, ym mis Medi 2013.[4].

Mae dalgylch yr ysgol (o 2013 ymlaen) yn ymestyn o ardal Lansdowne Gardens yn y de i gaeau Llandaf a Heol Pencisely yn y gogledd, ac o Severn Road a Severn Grove yn y dwyrain i Heol Elái a Rhodfa'r Gorllewin yn y gorllewin. Fe aiff y disgyblion ymlaen i Ysgol Gyfun Gymraeg Plasmawr ym mlwyddyn 7 yn y system addysg.

Yn 2012, deuai 59% o'r disgyblion o gartrefi a oedd â'r Saesneg yn brif iaith, ond siaradai 80% y Gymraeg yn iaith gyntaf neu i safon gyfwerth.[5] Yn 2006, deuai 70% o'r disgyblion o gartrefi a oedd â'r Saesneg yn brif iaith.[3]. Yn 2014 roedd 14.5% o’r disgyblion yn hanu o gefndir ethnig lleiafrifol.[6]

Disgrifiwyd yr ysgol yn adroddiad Estyn 2006 fel 'ysgol dda gyda nifer o nodweddion rhagorol'.[3]. Yn 2012, adroddwyd bod perfformiad presennol yr ysgol a'i rhagolygon gwella yn "dda".[5]


Cyfeiriadau[golygu]

Dolenni allanol[golygu]

Apple-book.svg Eginyn erthygl sydd uchod am ysgol yng Nghymru. Gallwch helpu Wicipedia drwy ychwanegu ato.