Ynys Alexander I

Oddi ar Wicipedia
Neidio i: llywio, chwilio
Lleoliad Ynys Alexander I (mewn coch)

Ynys yn Antarctica yw Ynys Alexander I. Saif i'r de-ddwyrain o Fôr Bellingshausen ac i'r de-orllewin o Benrhyn Antarctica. Mae'n 435 km o hyd a 200 km o led, gydag arwynebedd o 43250 km2.

Credai darganfyddwyr yr ynys, fforwyr Rwsaidd dan Fabian Gottlieb von Bellingshausen ym 1821, ei bod yn rhan o dir mawr yr Antarctic, a rhoddwyd yr enw Tir Alexander I i'r tir newydd ar ôl Alexander I, ymerawdwr Rwsia. Yn 1940-41, profodd fforwyr o'r Unol Daleithiau dan Finne Ronne ei bod yn ynys.

Hawlir yr ynys gan yr Ariannin, Chile a'r Deyrnas Unedig, ond ni dderbynir yr un o'r hawliau hyn yn rhyngwladol.