Y Tywysog Andrew, Dug Caerefrog

Oddi ar Wicipedia
Neidio i: llywio, chwilio
Y Tywysog Andrew, Dug Caerefrog
Y Tywysog Andrew yn ei swyddogaeth fel Cynrychiolydd Arbennig y Deyrnas Unedig o ran Buddsoddiad a Masnach Rhyngwladol yn Fforwm Economaidd y Byd ar y Dwyrain Canol, 2008

Y Tywysog Andrew, Dug Caerefrog (Andrew Albert Christian Edward; ganwyd 19 Chwefror 1960) yw ail fab a thrydydd plentyn Elizabeth II, brenhines y Deyrnas Unedig a Thywysog Philip, Dug Caeredin. Pan gafodd ei eni, ef oedd yr ail i orseddau wyth gwlad annibynnol; fodd bynnag, yn sgîl ychwanegiadau i'r Teulu Brenhinol ac esblygiad y Gymanwlad, ar hyn o bryd mae Andrew yn bedwerydd i orseddau 16 gwlad. Mae byw ac yn ymwneud yn bennaf â'r Deyrnas Unedig, y deyrnas hynaf, tra'n cyflawni dyletswyddau mewn ac ar ran gweledydd eraill mae ei fam yn sofran arnynt.

Mae'n adnabyddus am ei wasanaeth milwrol a'r rhan a chwaraeodd yn Rhyfel y Falklands ac am ei ffling efo Koo Stark. Dyna pam y cychwynodd y tabloids ei alw'n "Randy Andy"[1] Chwalodd priodas Andrew â Sarah Ferguson, digwyddiad a gafodd cryn dipyn o sylw gan y papurau newyddion tabloid. Ar hyn o bryd, gweithia fel Cynrychiolydd Arbennig y Deyrnas Unedig o ran Buddsoddiad a Masnach Rhyngwladol.

Bywyd Cynnar ac Addysg[golygu]

Ganwyd Andrew yn yr Ystafell Felgaidd ym Mhalas Buckingham ar y 19eg o Chwefror 1960. Ef oedd trydydd plentyn ac ail fab Elizabeth II, brenhines y Deyrnas Unedig a Thywysog Philip, Dug Caeredin, a thrydydd wyr y Frenhines Elizabeth, y Fam Frenhines. Cafodd ei fedyddio yn Ystafell Gerddoriaeth y palas ar yr 8fed o Ebrill 1960 gan Archesgob Caergaint y cyfnod, Geoffrey Fisher. Ei rieni bedydd oedd y Tywysog Henry, Dug Caerloyw; y Dywysoges Alexandra, Arglwyddes Anrhydeddus Ogilvy, John Elphinstone, Arglwydd Elphinstone; Hugh FitzRoy, Iarll Euston; a Georgina, yr Arglwyddes Kennard, a chafodd ei enwi ar ôl ei dadcu ar ochr ei dad, y Tywysog Andrew o Wlad Groeg a Denmarc.

Apwyntiwyd athrawes gartref i edrych ar ôl y tywysog, fel y gwnaethpwyd gan ei frawd a'i chwaer, a hi oedd yn gyfrifol am ei addysg cynnar ym Mhalas Buckingham. Yna danfonwyd Andrew i Ysgol Baratoi Heatherdown cyn iddo fynychu Gordonstoun yng ngogledd yr Alban ym mis Medi 1973. Tra yna, treuliodd Andrew chwe mis, o fis Ionawr tan Fehefin 1977 yn cymryd rhan mewn cynllun cyfnewid gyda Ysgol Colegol Lakefield yn Lakefield, Ontario. Graddiodd Andrew ym mis Gorffennaf ddwy flynedd yn ddiweddarach gyda Lefel A yn Hanes, Economeg a Gwyddoniaeth Gwleidyddol. Ni aeth Andre i brifysgol fodd bynnag a dewisodd fynd i Goleg Llyngesol Brenhinol Brittania yn Dartmouth.

Cyfeiriadau[golygu]