Y Cynghrair Arabaidd

Aelodau'r Cynghrair Arabaidd

Sefydlwyd y Cynghrair Arabaidd (Arabeg: الجامعة العربية‎ al-Jāmiʻa al-ʻArabiyya), a elwir Cynghrair y Gwladwriaethau Arabaidd (Arabic: جامعة الدول العربية‎ Jāmiʻat ad-Duwal al-ʻArabiyya) yn swyddogol, er mwyn hyrwyddo undod a chydweithrediad rhwng y gwledydd Arabaidd. Fe'i sefydlwyd ar 7 Mawrth, 1945, gan saith o wledydd Arabaidd, sef Yr Aifft, Irac, Gwlad Iorddonen, Libanus, Saudi Arabia, Syria ac Yemen. Ar hyn o bryd ceir 22 aelod. Prif nod y Cyngrair yw creu perthynas agosach rhwng yr aelod-wladwriaethau a threfnu cydweithrediad rhyngddynt, amddiffyn eu hannibyniaeth a'u sofraniaeth, a thrafod mewn modd gyffredinol buddianau'r gwledydd Arabaidd a materion sy'n ymwneud â hwy.

Lleolir ei bencadlys yn ninas Cairo yn yr Aifft. Mae tua 316 miliwn o bobl yn byw yng ngwledydd y Cynghrair, ar diriogaeth sy'n ymestyn o'r Maghreb yn y gorllewin i'r ffin rhwng Irac ac Iran a de-ddwyrain gorynys Arabia yn y dwyrain. Mae'r mwyafrif yn Arabiaid ond ceir lleiafrifoedd fel y Berberiaid hefyd. Mae canran sylweddol o'r boblogaeth yn byw mewn dinasoedd a threfi. Y dinasoedd mwyaf yw Baghdad, Khartoum, Damascus, Riyadh, Alexandria a Casablanca.

Aelodau

Aelodau presennol y Cynghair yw (ynghyd â'u dyddiad aelodaeth):

Yr Aifft	22 Mawrth, 1945 (Sefydlydd)
Irac	22 Mawrth, 1945 (Sefydlydd)
Gwlad Iorddonen	22 Mawrth, 1945 (Sefydlydd)
Libanus	22 Mawrth, 1945 (Sefydlydd)
Sawdi Arabia	22 Mawrth, 1945 (Sefydlydd)
Syria	22 Mawrth, 1945 (Sefydlydd)
Yemen	5 Mai, 1945 (Sefydlydd)
Libya	28 Mawrth, 1953
Swdan	19 Ionawr, 1956
Moroco	1 Hydref, 1958
Twnisia	1 Hydref, 1958
Kuwait	20 Gorffennaf, 1961
Algeria	16 Awst, 1962
Emiradau Arabaidd Unedig	12 Mehefin, 1971
Bahrain	11 Medi, 1971
Catar	11 Medi, 1971
Oman	29 Medi, 1971
Mauritania	26 Tachwedd, 1973
Somalia	14 Chwefror, 1974
Palesteina	Gwladwriaeth Palesteina 15 Tachwedd, 1988, yn olynnu'r PLO (o 9 Medi, 1976)
Djibouti	9 Ebrill, 1977
Comoros	20 Tachwedd, 1993

Yn Ionawr 2003, ymaelododd Eritrea fel sylwedydd.

Ysgrifenyddion Cyffredinol

Yr Aifft	Abdul Rahman Azzam	1945 hyd 1952
Yr Aifft	Abdul Khalek Hassouna	1952 hyd 1972
Yr Aifft	Mahmoud Riad	1972 hyd 1979
Twnisia	Chedli Klibi	1979 hyd 1990
Libanus	Assad al-Assad	1990 hyd 1991
Yr Aifft	Ahmad Esmat Abd al Meguid	1991 hyd 2001
Yr Aifft	Amr Moussa	2001 hyd heddiw

Gweler hefyd

• Cenedlaetholdeb Arabaidd

Dolenni allanol

Mae gan Gomin Wikimedia gyfryngau sy'n berthnasol i:

Y Cynghrair Arabaidd

• (Arabeg) (Saesneg) Gwefan swyddogol

Eginyn erthygl sydd uchod am wleidyddiaeth. Gallwch helpu Wicipedia drwy ychwanegu ato.