Wrexham Lager
Math | busnes |
|---|---|
| Sefydlwyd | 1881 |
| Pencadlys | Wrecsam |
| Cynnyrch | cwrw |
Bragdy cwrw lager hynaf gwledydd Prydain oedd Wrexham Lager ac roedd y lager yn un o'r cyntaf i gael ei allforio'n fyd-eang[angen ffynhonnell]. Cafodd y bragdy gwreiddiol ei sefydlu yn Island Green, Wrecsam, gan Ivan Levinstein ac Otto Isler, mewnfudwyr o'r Almaen.[1] Doedd eu daeargelloedd ddim yn ddigon oer i gadw lager, ond cyfarfuont Robert Graesser, a weithiodd yn y gwaith cemeg yn Acrefair. Ymunodd â'r cwmni a chyflwynodd beirianwaith oeri newydd. Yn anffodus, doedd yna ddim llawer o gyfleon i werthu'r lager; doedd neb yn yfed lager yng Ngogledd Cymru, ac roedd problem â thafarnau clwm, felly caewyd y bragdy. Ond ail-ddechreuodd Graesser y cwmni, ac roedd yn llwyddiant. Prynodd Ind Coope y cwmni ym 1949; mae bellach wedi troi'n Allied Breweries ac wedyn yn Carlsberg Tetley. Caewyd y bragdy yn 2000, a chynhyrchwyd y lager olaf yn 2002. Ail-ddechreuwyd cynhyrchu Wrexham Lager yn Wrecsam yn 2011.[2]
Atgyfodi[golygu | golygu cod]
Yn 2001, roedd Martyn Jones, Aelodd Seneddol dros De Clwyd ar y pryd, wedi prynu'r hawliau dros Wrexham Lager oddi wrth Carlsberg am bunt; arferai fod yn ficrobiolegydd yn y bragdy. Cyfarfu â Mark Roberts ac Ian Dale. Roedd Mark yn awyddus i ailddechrau bragu Wrecsam lager, ac roedd gan ei deulu adeiladau addas i'w troi'n fragdy. Ian oedd prif fragwr yr hen gwmni.
Cyrhaeddodd y peirianwaith ym Mai 2011, a chafodd y lager ei lansio ym mis Hydref canlynol.[3] Y tafarn cyntaf i brynu'r lager oedd Y Buck ym Mangor is y Coed[1].
Cyfeiriadau[golygu | golygu cod]
- ↑ 1.0 1.1 Gwefan y BBC
- ↑ Hanes Wrexham Lager Archifwyd 2012-11-22 yn y Peiriant Wayback.; adalwyd 18 Mai 2014
- ↑ Hanes Wrexham Lager Archifwyd 2012-11-22 yn y Peiriant Wayback.; adalwyd 27 Awst 2014
Dolenni allanol[golygu | golygu cod]
- Gwefan Wrexham Lager (Saesneg)