William Henry Preece

Oddi ar Wicipedia
Neidio i: llywio, chwilio
William Henry Preece; llun allan o Oliver Heaviside: Sage in Solitude

Peiriannydd o fri, arloeswr yn natblygiad y teliffon, pennaeth y Swyddfa Bost, a mentor i Guglielmo Marconi oedd y Cymro William Henry Preece (15 Chwefror 18346 Tachwedd 1913).[1] Ym mis Mai, 1897, danfonodd Marconi signal radio o Drwyn Larnog yn ne Cymru i Ynys Echni, dair milltir i ffwrdd ym Môr Hafren. Profodd hyn y gallai radio weithio dros ddŵr yn ogystal â thir a defnyddiwyd yr wybodaeth hon yn ymarferol gan longau ar y môr oedd am gysylltu â'r tir mawr. Preece oedd prif gynorthwyydd Marconi. Ym 1892 roedd Preece wedi defnyddio'r lleoliad hwn ar gyfer ei arbrofion ef ei hun.[2]

Yn enedigol o Gaernarfon aeth i Ysgol King's College yng Nghaergrawnt, Coleg King's College, Llundain ac yna'r Royal Institution o dan Michael Faraday. Ym 1901, anfonodd Marconi signalau radio o Gernyw i Newfoundland, Canada.

Ychydig wedi hynny adeiladodd Marconi orsaf radio bwerus yn Waunfawr ger Caernarfon. Er i'w ymdrechion ef ei hun i ddatblygu system radio dros bellter fethu, roedd ei gymorth i Marconi'n allweddol yn natblygiad cyfathrebu torfol.

Cyfeiriadau[golygu]

  1. Llên Natur; Rhif 69 Tachwedd 2013
  2. Arwyr Cymru adalwyd 08 Tachwedd 2013