Via Flaminia

Oddi ar Wicipedia
Neidio i: llywio, chwilio
Y via Flaminia (mewn porffor)

Ffordd Rufeinig yn cysylltu dinas Rhufain ag arfordir dwyreiniol yr Eidal yw'r Via Flaminia. Gyda'r Via Latina, y Via Salaria a'r Via Appia, roedd yn un o'r ffyrdd pwysicaf oedd yn cysylltu'r brifddinas a'r gweddill o'r ymerodraeth.

Adeiladwyd y ffordd gyntaf gan y censor Gaius Flaminius yn 220 CC. Yn wreiddiol, roedd y ffordd yn arwain o ddinas Rhufain tros yr Apenninau i Ariminum (Rimini heddiw).

Roedd yn dechrau yn Rhufain ger y Porta del Popolo ym Mur Aurelian, ac yn croesi afon Tiber tros Bont Milvius. Roedd yn arwain trwy Umbria, lle roedd yn croesi afon Nrea ger Narni ar draws y Ponte Cardona, y bont fwyaf a adeiladodd y Rhufeiniaid erioed. Wedi croesi'r Appeninau, roedd yn cyrraedd yr arfordir ger Fano, yna'n dilyn yr arfordir i Rimini, trwy'r hyn sy'n awr yn ranbarth Emilia-Romagna.