Trebor Lloyd Evans

Oddi ar Wicipedia
Neidio i: llywio, chwilio

Awdur Cymraeg ar bynciau diwinyddol a Christnogol yn bennaf oedd Trebor Lloyd Evans (1909 - 1979). Roedd yn frodor o ardal Penllyn.

Ganed Trebor Lloyd Evans ger Y Bala ym 1909. Cafodd ei addysg yng Ngholeg Bala-Bangor a Choleg Prifysgol Gogledd Cymru. Daeth yn weinidog gyda'r Annibynwyr ym Mhen-y-groes, Arfon ac yna yn Nhreforus, Morgannwg.

Cyhoeddodd nifer o lyfrau ar bynciau Cristnogol. Yn ogystal golygodd y gyfrol Diddordebau Llwyd o'r Bryn. Cyfieithodd Taith y Pererin gan John Bunyan i'r Gymraeg a detholiad o ddyddiaduron Francis Kilvert.

Llyfryddiaeth ddethol[golygu]

  • Cymeriadau'r Beibl (2 gyfrol, 1955 a 1958)
  • Gwerth Gristnogol yr Iaith Gymraeg (1967)
  • Diddordebau Llwyd o'r Bryn (1966)