Tobar Mhoire

Oddi ar Wicipedia
Neidio i: llywio, chwilio
Tali ger yr harbwr

Tobar Mhoire (Saesneg: Tobermory) yw prif dref ynys Muile (Mull) yn Ynysoedd Mewnol Heledd yng ngogledd-orllewin yr Alban. Saif ar yr arfordir yng ngogledd-ddwyrain yr ynys. Mae'r boblogaeth tua 700.

Sefydlwyd y dref fel porthladd i bysgotwyr yn 1788, yn dilyn cynllun wedi ei baratoi gan Thomas Telford. Ymwelodd y cyfansoddwr Felix Mendelssohn a'r dref yn 1829, ar ei ffordd i Staffa, a chynhelir gŵyl gerddorol flynyddol i gofio'r digwyddiad.

Mae'r tai lliwgar ger yr harbwr yn nodedig. Ffilmiwyd y gyfres deledu i blant Balamory yma. Cynhyrchir wisgi a chwrw yma, ac mae yma ganolfan gelfyddydau, An Tobar.