Thomas Jones (Tudno)
| Thomas Jones | |
|---|---|
 | |
| Ffugenw | Tudno  |
| Ganwyd | 28 Ebrill 1844 Llandudno |
| Bu farw | 18 Mai 1895 |
| Dinasyddiaeth |  Cymru |
| Alma mater |
|
| Galwedigaeth | ysgrifennwr, bardd, newyddiadurwr |
- Gweler hefyd Tudno (gwahaniaethu)
Llenor, bardd, newyddiadurwr ac offeiriad oedd Thomas Jones neu Tudno (28 Ebrill 1844 – 8 Mai 1895), a aned yn Llandudno, yn yr hen Sir Gaernarfon (Conwy heddiw).
Bywgraffiad[golygu | golygu cod]
Ei athrawon barddol oedd Creuddynfab, Richard Parry (Gwalchmai) ac Elis Wyn o Wyrfai.[1]
Yn ystod ei yrfa fel newyddiadurwr gofalodd am y Llandudno Directory lleol ac yn ddiweddarach ymunodd â bwrdd golygyddol y Carnarvon and Denbigh Herald ac ymsefydlu yng Nghaernarfon. Symudodd i weithio ar y cylchgrawn Y Llais ym Mangor a daeth yn adnabyddus am ei ysgrifau doniol dan y pennawd Dyddlyfr Dafydd Davies.[1]
Aeth yn offeiriad yn 1883 a gwasanaethai mewn sawl tref ledled gogledd Cymru, gan gynnwys Llanrwst. Roedd yn eisteddfodwr mawr ac enillodd y Gadair yn Eisteddfod Genedlaethol Cymru Bangor 1890 am ei awdl "Y Llafurwr".[1] Cyfieithodd waith Thomas Gray a chyfansoddodd gerdd arwrol i Owain Glyndŵr. Dyma ddarn ohono:
- Wladgarwyr dewr dadweiniwch gledd --
- Ymladdwch wrth ei garn;
- A gwaed eich bron cysegrwch fedd
- Cyn bod i Drais yn sarn.[1]
Bu farw yn ganol oed yn 1895, tra yn ei Landudno annwyl. Fe'i claddwyd ym mynwent Eglwys Tudno, ar lethrau'r Gogarth uwchben y môr.[1]
Llyfryddiaeth[golygu | golygu cod]
- David Rowlands (gol.), Telyn Tudno (Wrecsam: Hughes a'i Fab, 1897). Casgliad o'i gerddi sy'n cynnwys bywgraffiad gan ei hen gyfaill Rowlands (Dewi Môn).