Thomas Arne

Oddi ar Wicipedia
Neidio i: llywio, chwilio
Thomas Arne

Cyfansoddwr Saesneg oedd Thomas Augustine Arne (12 Mawrth 1710 - 5 Mawrth 1778).

Cafodd ei eni yn Llundain. Brawd y cantores Susannah Maria Arne oedd ef. Er bod teulu Arne yn gwneuthurwyr dodrefn roedd digon o gyfoeth yn y teulu i'w anfon i Eton ac i fyw mewn tŷ cyfforddus yn Covent Garden ger y tŷ Opera. Yno yn yr Italian Opera cwrddodd a'r cyfansoddwr Michael Christian Festing a ddaeth yn diwtor fiolin iddo ac yn fentor hefyd. Aethon nhw i Rhydychen yn 1733 i weld opera Handel 'Athalia'.

Wedi gadael yr ysgol aeth yn brentis i gyfreithwr and ar ol tair blynedd trodd ar gerddoriaeth fel gyrfa. Roedd ei chwaer yn gontralto enwog, Susannah Maria Arne ac ei frawd yn canu hefyd. Rhwng 1733 a 1776,cyfansoddodd Arne dros 90 darn i'r llwyfan yn cynnwys dramau, masciau, pantomimau, ac operau. Collwyd llawer o'r sgriptiau wedi tan mawr yn y Tŷ Opera Brenhinol ym 1808. Er bod Arne yn Gatholig roedd e hefyd yn aelod o'r Seir Rhyddion, a'u pencadlys yn ardal Covent Garden gerllaw. Am hyn nad oedd cerddoriaeth ar gyfer yr Eglwys (anglicanaidd) ganddo. Priododd Cecilia Young ar 15ed Mawrth 1737, eu mab oedd y cyfansoddwr Michael Arne. Daeth yn ffefryn i Frederick, Tywysog Cymru, ac yn ei dŷ ef, Cliveden, y perfformwyd ei Masque of Alfred, a chlywodd y byd "Rule Britannia", am y tro cyntaf. Rhwng 1755 a 1777, ymwahanodd oddiwrth Cecilia, ond daeth hi yn ôl ar gyfer ei gystudd olafyn 1777, a bu farw 1778. Fe'i gladdwyd yn "Eglwys yr Actorion" sef St Paul's, Covent Garden, Llundain.

Dolenni a chyfeiriadau[golygu]

Gweithiau cerddorol[golygu]

Opera (detholiad)[golygu]

1733 Rosamond- opera seria

1740 Alfred - opera yn cynnwys *"Rule, Britannia!"

1741 The Blind Beggar of Bethnal Green - opera

1745 The Temple of Dullness - opera burlesque

1750 Don Saverio - opera digri

1754 Eliza - opera

1760 Thomas and Sally, neu The Sailor’s Return - opera digri

1762 Artaxerxes- opera

1776 Caractacus- opera


Baner LloegrEicon person Eginyn erthygl sydd uchod am Sais neu Saesnes. Gallwch helpu Wicipedia drwy ychwanegu ato.