Tate Britain

Oddi ar Wicipedia
Neidio i: llywio, chwilio
Adeilad Tate Britain o Millbank

Oriel gelf a leolir yn Llundain yw Tate Britain, a elwid ynghynt yn Oriel y Tate. Mae'n gartref i'r casgliad cenedlaethol o gelf Prydeinig. Cangen o'r Oriel Genedlaethol oedd y Tate yn wreiddiol, yn arddangos gweithiau Prydeinig nad oedd yn bosibl eu harddangos yn Sgwâr Trafalgar oherwydd diffyg lle yno. Fe'i agorwyd ym 1897 mewn adeilad gan Sidney R. J. Smith, ar safle hen garchar Millbank. Mae'r oriel yn dwyn ei enw o Syr Henry Tate, masnachwr siwgr, a rodd ei gasgliad i'r oriel. Enw swyddogol yr oriel yn wreiddiol oedd National Gallery (British Art). Ymhen dipyn fe ddaeth celf modern yn rhan bwysig o gasgliad y Tate, ond fe symudodd y gweithiau yma i safle newydd, Tate Modern, yn 2000. Agorwyd estyniad gan y pensaer James Stirling ar gyfer gweithiau gan J. M. W. Turner ym 1987.