Tanger

Oddi ar Wicipedia
Neidio i: llywio, chwilio
Tanger o'r môr.

Dinas yng ngogledd Moroco yw Tanger (Arabeg a Berber: Ṭanja طنجة, Ffrangeg: Tanger, Sbaeneg: Tánger, Portiwgaleg: Tânger, Saesneg: Tangier neu Tangiers). Mae ganddi boblogaeth o tua 700,000 (cyfrifiad 2008). Mae'n gorwedd ar arfordir Gogledd Affrica wrth y fynedfa orllewinol i Gulfor Gibraltar lle mae'r Cefnfor Iwerydd yn cwrdd â'r Môr Canoldir ger Penrhyn Spartel. Mae'n brifddinas rhanbarth Tanger-Tétouan.

Mae gan Tanger hanes cyfoethog sy'n ymestyn yn ôl i'r 5ed ganrif CC pan gafodd ei sefydlu fel un o drefi'r Ffeniciaid o ddinas Carthago. Dros y canrifoedd bu'n gartref i sawl gwareiddiad ac yn noddfa i bobl o sawl gwlad. Yn 1923 rhoddwyd statws rhyngwladol i Tanger gan y pwerau trefedigaethol, ac felly daeth yn gyrchfa i bobl o sawl gwlad a diwylliant ac yn ganolfan masnach fawr. Yn y 1940au a'r 1950au roedd gan Tanger enw fel canolfan bywyd bohemaidd, moethus ond amheus; daeth sawl llenor ac artist yno ond roedd yn enwog hefyd am ddenu miliwnwyr, troseddwyr rhyngwladol a gamblwyr.

Mae'r ddinas yn newid yn gyflym heddiw. Mae prosiectau datblygu yn cynnwys gwestai moethus ar hyd y bae bay, canolbarth busnes, a maes awyr newydd. Yn ogystal, gobeithir y bydd economi Tanger yn adfywio diolch i adeiladu porthladd newydd Tanger-med.

Gweler hefyd[golygu]

Comin Wikimedia
Mae gan Gomin Wikimedia gyfryngau sy'n berthnasol i:
Flag of Morocco.svg Eginyn erthygl sydd uchod am Foroco. Gallwch helpu Wicipedia drwy ychwanegu ato