Tanganica

Oddi ar Wicipedia
(Ailgyfeiriad oddi wrth Tanganyika)
Neidio i: llywio, chwilio

Gwladwriaeth yn Nwyrain Affrica oedd Tanganica[1] a enillodd annibyniaeth ar y Deyrnas Unedig ar 9 Rhagfyr 1961 dan statws un o frenhiniaethau'r Gymanwlad. Ynghynt yr oedd dan reolaeth Brydeinig fel Tiriogaeth Tanganica, sef tiriogaeth ymddiriedol y Cenhedloedd Unedig o 1946 i 1961 a mandad Cynghrair y Cenhedloedd o 1922 i 1946, a chyn hynny yr oedd yn wladfa Almaenig. Daeth yn weriniaeth ar 9 Rhagfyr 1962, gan aros yn aelod o'r Gymanwlad. Unodd Tanganica â Gweriniaeth Pobl Sansibar a Pemba ar 26 Ebrill 1964 i ffurfio Gweriniaeth Unedig Tanganica a Sansibar, a elwir heddiw yn Weriniaeth Unedig Tansanïa.

Julius Nyerere oedd Prif Weinidog Tanganica yn ystod ei blwyddyn gyntaf o annibyniaeth, ac yna'n Arlywydd y wlad pan ddaeth yn weriniaeth.

Cyfeiriadau[golygu]

  1. Geiriadur yr Academi, [Tanganyika].
Zimbabwe Bird.svg Eginyn erthygl sydd uchod am hanes Affrica. Gallwch helpu Wicipedia drwy ychwanegu ato.