Tŷ Anne Frank
Oddi ar Wicipedia
Mae Tŷ Anne Frank ar y Prinsengracht yn Amsterdam, Yr Iseldiroedd, yn amgueddfa o fywyd Anne Frank, y ferch ifanc, Iddewig a gadwodd ddyddiadur yn ystod yr Ail Rhyfel Byd. Cuddiodd Frank a'i theulu o erledigaeth y Natsiaid trwy guddio mewn ystafelloedd cudd yng nghefn yr adeilad. Yn ogystal â chadw'r man cuddio am resymau hanesyddol, mae'r amgueddfa hefyd yn cynnwys arddangosfa o fywyd Anne Frank a'r cyfnod roedd hi'n byw ynddo. Mae'r amgueddfa yn ganolfan sy'n arddangos pob math o erledigaeth a rhagfarn.
Agorodd yr amgueddfa ar y 3ydd o Fai, 1960 gyda chefnogaeth ariannol y cyhoedd, tair blynedd ar ôl i gymdeithas gael ei sefydlu er mwyn amddiffyn yr adeilad rhag datblygwyr ac adeiladwyr a oedd eisiau dymchwel yr adeilad.
[golygu] Dolenni Allanol
Eginyn erthygl sydd uchod. Gallwch helpu Wicipedia drwy ychwanegu ato.
