Tír na n-Óg

Tír na n-Óg yw "Gwlad Ieuenctid" ym mytholeg Gwyddelig. Mae'n wlad arallfydol baradwysaidd lle ni cheir na haint, na henaint nac angau. Mae'n gorwedd y tu hwnt i fyd y ddynoliaeth. Yn y chwedl Wyddeleg gynnar Immram Brain, mae'r arwr Bran a'i gyd-ymdeithion yn ymweld ag ynys sy'n cynrychioli Tír na n-Óg.

Cyfansoddodd y bardd T. Gwynn Jones awdl delynegol o'r enw 'Tir na n-Óg' sy'n sôn am gariad Osian a Nia Ben Aur, merch brenin Tír na n-Óg.

Mae Tír na n-Óg yn wlad,

'Lle mae haul yn lliwio môr,

Fore neu hwyr, yn farwor,

Heb wae trist adnabod tranc,

Tragywydd y trig ieuanc!'

(Caniadau)

Gweler hefyd

• Gwobr Tir na n-Og, gwobr lenyddol yng Nghymru ar gyfer llenorion plant.

Cyfeiriadau

Eginyn erthygl sydd uchod am fytholeg. Gallwch helpu Wicipedia drwy ychwanegu ato