Steven Spielberg
| Steven Spielberg | |
|---|---|
 Steven Spielberg yn 1999 |
|
| Geni | 18 Rhagfyr, 1946 Cincinnati, Ohio, UDA |
| Enwau eraill | Steven Allen Spielberg |
| Enwog am | Jaws, E.T. the Extra-Terrestrial, Jurassic Park |
| Galwedigaeth | Cyfarwyddwr ffilm |
Cyfarwyddwr Ffilm yw Steven Allen Spielberg KBE (ganwyd 18 Rhagfyr 1946, Cincinnati, Ohio, UDA). Yn 2006, rhestrodd cylchgrawn Premiere ef fel y person mwyaf pŵerus a dylanwadol ym myd ffilmiau. Rhestrodd cylchgrawn Time ef fel un o'r 100 o Bobl Mwyaf y Ganrif. Ar ddiwedd yr ugeinfed ganrif, cafodd ei enwi gan gylchgrawn Time fel un o gymeriadau mwyaf dylanwadol ei genhedlaeth. Mewn gyrfa sydd wedi ymestyn dros bedwar degawd, mae ffilmiau Spielberg wedi ymdrin â nifer o themâu gwahanol. Gwelwyd ffilmiau cynharaf Spielberg, sef ffilmiau gwyddonias ac antur (yn aml yn canolbwyntio ar blant), fel y ddelfryd o ffilmiau mawrion Hollywood. Yn y blynyddoedd mwy diweddar, dechreuodd ei ffilmiau ymdrin â themâu fel yr holocost, caethwasiaeth, rhyfel a therfysgaeth.
Enillodd Spielberg Wobr yr Academi am y Cyfarwyddwr Gorau am Schindler's List (1993) a Saving Private Ryan (1998). Torrodd tair o ffilmiau Spielberg y record mewn sinemau am faint o arian a wnaethant, sef Jaws (1975), E.T. the Extra-Terrestrial (1982), a Jurassic Park (1993).
[golygu] Ei fywyd cynnar
Ganwyd Spielberg yn Cincinnati, Ohio, i deulu Iddewig. Perchennog bwyty a phianydd oedd ei fam, Leah Adler, tra bod ei dad Arnold Spielberg yn beirianydd trydanol a weithiai yn datblygu cyfrifiaduron.[1] Treuliodd ei blentyndod yn Haddon Heights, New Jersey a Scottsdale, Arizona, un o faesdrefi mawr Phoenix. Trwy gydol ei arddegau, creodd Spielberg ffilmiau 8mm amatur gyda'i ffrindiau. Ffilmiwyd y cyntaf o'r ffilmiau hyn ym mwyty Pinnacle Peak Patio yn Scottsdale. Cododd dâl o 25 cent i weld ei ffilmiau tra byddai ei chwaer yn gwerthu popcorn.
Ym 1958, daeth Spielberg yn scowt a derbyniodd fathodyn anrhydedd am greu ffilm 8mm naw munud o hyd o'r enw The Last Gunfight.[2] Mewn cyfweliad ag ef flynyddoedd yn hwyrach, cofiodd Spielberg yn ôl at y cyfnod a dywedodd, "My dad's still-camera was broken, so I asked the scoutmaster if I could tell a story with my father's movie camera. He said yes, and I got an idea to do a Western. I made it and got my merit badge. That was how it all started."[3] Pan yn 13 oed, enillodd Spielberg wobr am ffilm ryfel 40 munud o hyd o'r enw Escape to Nowhere. Ym 1963, pan oedd yn 16, ysgrifennodd a chyfarwyddodd Spielberg ei ffilm annibynnol gyntaf, ffilm antur gwyddonias 140-munud o'r enw Firelight (a oedd wedi ysbrydoli Close Encounters yn ddiweddarach). Dangoswyd y ffilm, a wnaed ar gyllideb o UDA$500, yn ei sinema leol a gwnaeth elw o $1.00.[angen ffynhonnell] Gwnaeth nifer o ffilmiau o'r Ail Ryfel Byd hefyd yn seiliedig ar hanesion rhyfel ei dad.
[golygu] Ffilmiau
Cyfarwyddwr
- The Sugarland Express (1974)
- Jaws (1975)
- Close Encounters of the Third Kind (1977)
- 1941 (1979)
- Raiders of the Lost Ark (1981)
- E.T. the Extra-Terrestrial (1982)
- Indiana Jones and the Temple of Doom (1984)
- The Color Purple (1985)
- Empire of the Sun (1987)
- Indianna Jones and the Last Crusade (1989)
- Hook (1991)
- Jurassic Park (1993)
- Schindler's List (1993)
- The Lost World: Jurassic Park (1997)
- Men in Black (1997
- Amistad (1997)
- Saving Private Ryan (1998)
- Artificial Intelligence: AI (2001)
- Minority Report (2002)
- Catch Me If You Can (2002)
- The Terminal (2004)
- War of the Worlds (2005)
- Munich (2005)
- Indiana Jones and the Kingdom of the Crystal Skull (2008)
- Lincoln (2011)
- The Adventures of Tintin: Secret of the Unicorn
[golygu] Cyfeiriadau
