Steve Prefontaine

Oddi ar Wicipedia
Neidio i: llywio, chwilio
Carreg Pre: cofeb i Steve Prefontaine yn y man bu farw.

Rhedwr Americanaidd oedd Steve Roland "Pre" Prefontaine (25 Ionawr 195130 Mai 1975) oedd yn un o sbardunau'r twf mewn rhedeg yn yr Unol Daleithiau yn y 1970au.

Ganwyd yn Coos Bay, Oregon, UDA. Dechreuodd redeg tra'n mynychu Marshfield High School, ac yn ei flwyddyn olaf torrodd y record genedlaethol am y ras ddwy filltir. Tynodd sylw Bill Bowerman, hyfforddwr trac a maes ym Mhrifysgol Oregon a chyd-sefydlydd Nike, Inc.[1]

O ganlyniad i'w lwyddiant ar y trac, roedd 35 o golegau Americanaidd yn dymuno iddo gofrestru gyda hwy.[2] Ymunodd Prefontaine â Phrifysgol Oregon ym 1969, a denodd niferoedd mawr o bobl i wylio ei rasys. Ar ôl iddo raddio, roedd ganddo saith teitl o'r National Collegiate Athletic Association (NCAA): traws gwlad 1970, '71, a '73, a'r ras dair milltir '70, '71, '72, a '73. Mae ei recordiau yn y rasys tair milltir a chwe milltir yn sefyll hyd heddiw. Yn ystod ei yrfa torrodd recordiau cenedlaethol (weithiau rhai ei hunan) 14 o weithiau.[1]

Rhedodd yn y ras 5,000 metr yng Ngemau Olympaidd 1972 ym München, ond er iddo bod yn y blaen am y mwyafrif o'r ras daeth yn bedwerydd.[1]

Bu farw Prefontaine mewn damwain car, ger Parc Hendricks yn Eugene, Oregon, pan trodd ei gar godi to drosodd wrth iddo ei yrru. Crynodiad yr alcohol yn ei waed oedd .16; dan gyfraith Oregon mae .10 yn dynodi bod person wedi meddwi.[3]

Cyfeiriadau[golygu]

  1. 1.0 1.1 1.2 (Saesneg) Steve Prefontaine. National Distance Running Hall of Fame. Adalwyd ar 10 Tachwedd 2012.
  2. (Saesneg) Prefontaine signs letter. The Bulletin (2 Mai 1969). Adalwyd ar 9 Tachwedd 2012.
  3. (Saesneg) Tests Show Prefontaine Was Drunk. The Milwaukee Journal (31 Mai 1975). Adalwyd ar 10 Tachwedd 2012.

Darllen pellach[golygu]

  • Jordan, Tom. Pre: The Story of America's Greatest Running Legend (Rodale, 1998).