Stafford Prys

Oddi ar Wicipedia
Neidio i: llywio, chwilio

Argraffydd a gwerthwr llyfrau oedd Stafford Prys (1732 - 1784). Yn ei gyfnod ef, prin oedd y llyfrau a argraffwyd yng Nghymru a daeth gwasg Prys yn Amwythig yn un o brif argraffweisg Cymraeg y 18fed ganrif, yn enwedig ar gyfer Gogledd Cymru.

Cymro oedd Prys, yn fab i'r meddyg Stafford Price o blwyf Llanwnnog, Maldwyn a'i wraig Mary Evans, o dras teulu Stradlingiaid Morgannwg. Ni wyddys os cafodd ei eni yng Nghymru neu yn Swydd Amwythig. Treuliodd ran helaeth ei oes dros y ffin yn Amwythig lle sefydlodd siop lyfrau a hefyd argraffwasg, a sefydlodd yn 1758. Priododd Ann (1737-1826), merch Thomas Bright o Amwythig. Ar ôl marwolaeth Prys yn 1784 parhaodd ei weddw i redeg y busnes teuluol am gyfnod.[1]

Llyfrau[golygu]

Gorchestion Beirdd Cymru. Wynebddalen argraffiad 1773

Ymhlith y llyfrau a phamffledi niferus a argaffwyd ganddo, gellir nodi:

  • Gorchestion Beirdd Cymru (1773), casgliad pwysig o gerddi canoloesol a gyhoeddwyd gan Rhys Jones y Blaenau. Mae'n llyfr ffolio cain y cyfeirir ato yn draddodiadol fel "Y Bais Wen" oherwydd yr ymylon mawr gwyn o gwmpas y testun.
  • Bardd a Byrddau (1778), casgliad swmpus o gerddi ar y mesurau carol traddodiadol gan Jonathan Hughes.

Cyfeiriadau[golygu]

  1. Y Bywgraffiadur Ar-lein
  2. William Rowlands, Llyfryddiaeth y Cymry (1869).

Darllen pellach[golygu]

  • Ifano Jones, A history of printing and printers in Wales to 1810, and of successive and related printers to 1923 (1925)
  • Llewelyn C. Lloyd , 'The Book-Trade in Shropshire', Transactions of the Shropshire Archaeological and Natural History Society (1935, 1936).