Shapur I

Oddi ar Wicipedia
Neidio i: llywio, chwilio
Palas Shapur I yn Bishapur
Shapur I yn gorchfygu Valerianus I, Naqsh-e Rustam.

Brenin Persia o 241 hyd 272 oedd Shapur I.

Roedd Shapur o linach y Sassaniaid ac yn fab i Ardashir I. Ymladdodd lawer yn erbyn Ymerodraeth Rhufain. Tua 241, ymosododd ar feddiannau Rhufain yn y dwyrain, a chipiodd Syria, Armenia a dinasoedd ym Mesopotamia. Ceisiodd yr ymerawdwr Gordianus III adfeddiannu Syria yn 243. Yn 260, gyrrodd yr ymerawdwr Valerianus I Shapur o Syria, ond cymerwyd ef yn garcharor gan y Persiaid gerllaw Edessa. Cadwodd Shapur ef yn garcharor am weddill ei fywyd.

Cyflwynodd ei frawd Peroz y proffwyd Mani i Shapur. Rhoddodd Shapur ei gefnogaeth iddo, gan hyrwyddo lledaeniaid Manicheaeth. Olynwyd ef gan ei fab, Hormazd I.