Shahba

Oddi ar Wicipedia
Neidio i: llywio, chwilio
Adfeilion y Philippeion

Dinas sy'n gorwedd 87 km i'r de o ddinas Damascus yn y Jabal el Druze yn Syria yw Shahba (Arabeg شهبا ), sy'n adnabyddus hefyd dan ei henw hynafol Philippopolis.

Hanes Rhufeinig[golygu]

Shahba oedd man geni Philip yr Arab yn ôl rhai ffynonellau. Pan ddaeth Philip yn Ymerawdwr Rhufain yn 244 OC, cysgegrodd ei hun i'r dasg o droi ei dref enedigol ddinod yn fetropolis ac ailenwyd y ddinas yn Philippopolis er ei anrhydedd. Dywedir y dymunai'r ymerawdwr greu efelychiad o ddinas Rhufain ei hun yno. Codwyd temlau, bwau buddugoliaeth, baddondai, theatr a mur amgylchynnol yno yn y dull Rhufeinig arferol, ond peidiwyd y gwaith adeiladu ar ôl marwolaeth Philip. Gwelir sawl adeilad Rhufeinig yn y ddinas heddiw. Ceir amgueddfa lle gellir gweld engreifftiau da o waith mosaic Rhufeinig.