Salem (y llun)

Oddi ar Wicipedia
Neidio i: llywio, chwilio
Salem: y paentiad olew enwog.

Darlun a baentiwyd gan Sydney Curnow Vosper ym 1908 yw Salem. Rhoddwyd y teitl Salem ar y llun gan mai golygfa o Gapel Salem, ym Mhentre Gwynfryn ydyw - tua milltir i'r dwyrain o Lanbedr wrth gymer Afon Artro ac Afon Cwmnantcol.

Capel Salem fel ag y mae heddiw (2010).

Mae'n ddarlun gan Sydney Curnow Vosper RWS, RWA (29 Hydref 1866 – 10 Gorff. 1942) o Siân Owen (1837-1927) o Dy’n-y-fawnog [1] yn eistedd yn y capel yn ei siôl Gymreig. Cred rhai eu bod yn medru gweld llun y Diafol ym mhlygiadau'r siôl. Mae paentiad Capel Salem i'w gweld heddiw yn Oriel Gelf yr Arglwyddes Lever (Lady Lever Art Gallery) yn Port Sunlight, Cilgwri, Lloegr.

Daeth y llun yn boblogaidd oherwydd y cysylltiad gyda sebon. Prynnwyd y llun yn 1909 gan y diwydianwr William Hesketh Lever am 100 gini. Defnyddiwyd y llun i hyrwyddo "Sunlight Soap". Daeth tocyn bychan am ddim gyda phob bar o sebon a gellid cyfnewid y tocynnau hyn am gopi o'r llun iawn[2] ac effaith hyn, wrth gwrs, oedd i lawer iawn o gartrefi dderbyn copi o'r llun - y llun cyntaf yn y rhan fwyaf o gartrefi.

Gweler hefyd[golygu]

Cyfeiriadau[golygu]

  1. Davies, John; Jenkins, Nigel (2008). The Welsh Academy Encyclopaedia of Wales. Caerdydd: University of Wales Press. tud. 795. ISBN 978-0-7083-1953-6. 
  2. Gower, Jon (23 May 2002). "Salem exhibition visits castle". BBC.co.uk. http://news.bbc.co.uk/1/hi/wales/2004354.stm. Adalwyd 16 Hydref 2010. 

Darllen pellach[golygu]

  • Waters, Grant M. (1975). Dictionary of British Artists Working 1900–1950. Eastbourne Fine Art. ISBN 978-0-904722-37-6. 
  • Williams, Tal (1991). Salem Y Llun a'r Llan/Painting and Chapel. Cyhoeddiadau'r Barddas. ISBN 978-1-906396-13-8.