Ruth Madoc

Oddi ar Wicipedia
Neidio i: llywio, chwilio

Actores a chantores yw Ruth Madoc (née Llewellyn) (ganwyd 16 Ebrill 1943). Cafodd ei geni yn Norfolk, Lloegr[1]. Mae'n fwyaf adnabyddus am ei rôl fel Gladys Pugh yng nghyfres gomedi teledu y BBC, Hi-de-Hi! yn ystod y 1980au er iddi ymddangos yn fwy diweddar fel mam Daffyd Thomas yn yr ail gyfres o Little Britain.

Ganwyd Ruth Llewellyn i rieni a dreuliodd llawer o'u hamser yn teithio o amgylch y DU yn ystod ei phlentyndod ac fe'i magwyd hi gan ei nain yn Llansamlet ger Abertawe. Mynychodd RADA a gweithiodd yn The Black and White Minstrel Show. Priododd yr actor Philip Madoc. Cawsant fab, Rhys a merch, Lowri ond ysgarodd y ddau ohonynt yn y pen draw.

Chwaraeodd Madoc ran Fruma Sarah yn y fersiwn ffilm o'r sioe gerdd Fiddler on the Roof, ac ymddangosodd fel Mrs Dai Bread Two yn y ffilm Under Milk Wood. Bu'n westai rheolaidd hefyd ar rhaglen adloniant BBC Cymru Poems and Pints. Roedd hi hefyd wedi darparu'r llais ar gyfer un o'r creaduriaid o blaned arall yn hysbysebion Cadbury's am Smash yn ystod y 1970au.

Mae hi hefyd yn actores lwyfan brofiadol sydd wedi bod yn rhan o nifer o gynhyrchiadau gan gynnwys Under Milk Wood, Steel Magnolias, dramâu Agatha Christie (And Then There Were None...), a'r sioe gerdd Annie yn ogystal ag amryw berfformiadau mewn pantomeimiau.

Ymddangosodd hefyd ar sioe deledu realiti LivingTV I'm Famous and Frightened! ac enillodd y gystadleuaeth. Derbyniodd radd anrhydeddus hefyd o Brifysgol Abertawe ym mis Gorffennaf 2006.

Ffilmiau[golygu]

Teledu[golygu]

  • New Scotland Yard (1972)
  • Leave it to Charlie (1979)
  • Hi-De-Hi (1980 - 1988)
  • The Life and Times of David Lloyd George (1981)
  • The Pale Horse (1997)
  • Mine All Mine (2004)
  • Little Britain (2004)

Cyfeiriadau[golygu]