Robert Griffiths
| Robert Griffiths | |
|---|---|
| Ganwyd | 13 Rhagfyr 1805  Lleweni |
| Bu farw | 16 Mehefin 1883 |
| Dinasyddiaeth |  Cymru |
| Galwedigaeth | peiriannydd |
Peiriannydd a dyfeisiwr Cymreig oedd Robert Griffiths (13 Rhagfyr 1805 - Mehefin 1883) o fferm Lleweni, Dyffryn Clwyd, Sir Ddinbych.
Yn ifanc iawn dysgodd grefft y saer, cyn brentisio mewn peirianneg ym Mirmingham. Yn 1845 aeth i Ffrainc i weithio o dan M. Labruere a sefydlodd weithfeydd peiriannau a gweithfeydd haearn yn Havre am oddeutu 4 blynedd cyn iddynt gau. Yma y crewyd llawer o'r cledrau ar gyfer y rheilffordd o Havre i Baris. Derbyniodd batentau ar gyfer y propelar sgriw (i yrru llongau) yn 1835, peiriant caboli a llyfnu gwydr yn 1836 a nifer o batentau eraill a oedd yn ymwneud â nyts a bolltau.[1]
Cyfeiriadau[golygu | golygu cod]
- ↑ Cylchgronau Cymru Ar-lein; LlGC; adalwyd 22 Mehefin 2015
Llyfryddiaeth[golygu | golygu cod]
- Y Bywgraffiadur Ar-lein;
- Eminent Welshmen: a short biographical dictionary of Welshmen ... from the earliest times to the present, 1908;
- Rhestr gyda nodiadau byrion, o Enwogion Cymreig o 1700 i 1900, Cymdeithas yr Eisteddfod Genedlaethol, 1908;
- Llawysgrif Llyfrgell Genedlaethol Cymru 9258;
- Notable Welshmen (1700–1900), 1908