Rhys Ifans

Oddi ar Wicipedia
Neidio i: llywio, chwilio
Rhys Ifans
Rhys Ifans 2011 cropped.jpg
Ganwyd 21 Gorffennaf 1967(1967-07-21)
Hwlffordd, Sir Benfro, Baner Cymru Cymru
Yn enwog am Mr. Nice, The Boat that Rocked, Kevin & Perry Go Large, Notting Hill
Galwedigaeth Actor

Actor a chanwr o Gymru yw Rhys Ifans (ganed 22 Gorffennaf 1967). Cafodd ei eni yn Hwlffordd, Sir Benfro, ond symudodd y teulu i Ruthun yn Sir Ddinbych, lle cafodd ei addysg gynradd yn Ysgol Pentrecelyn a'i addysg uwchradd yn Ysgol Maes Garmon, yr Wyddgrug. Roedd ei fam, Beti Wyn, yn Brifathrawes yn Ninbych tan iddi ymddeol ar ddiwedd y 90au ac roedd Eurwyn, ei dad, yn athro cynradd ym Mwcle. Roedd ei dad yn aelod o Gwmni Drama John Owen yn Rhuthun a chafodd Rhys brentisiaeth dan adain ei dad. Cafodd hefyd gyfle tra'n ifanc i actio yn Theatr Clwyd, Yr Wyddgrug.

Yn Gymro Cymraeg, ymddangosodd mewn amryw o raglenni teledu Cymraeg, megis Pobol y Chyff ar S4C cyn esgor ar yrfa ym myd ffilmiau rhyngwladol.

Ym Medi 2012 cafodd ei benodi yn Llywydd Anrhydeddus Cymdeithas Wici Cymru, sef y gymdeithas sy'n gefn i Wicipedia Cymraeg.

Ei yrfa[golygu]

Mae wedi perfformio yn y Theatr Frenhinol Genedlaethol, Llundain ac yn Theatr Frenhinol y Gyfnewidfa, Manceinion. Bu'n brif ganwr y Super Furry Animals ar un adeg, cyn iddynt ddod i amlygrwydd. Ym Mehefin 2008 sefydlodd fand newydd o'r enw The Peth; ef yw prif ganwr y grŵp. Mae un o'u caneuon yn cyfeirio at gyn-ffrind iddo, sef Sienna Miller, a oedd i'w gweld gyda Rhys yn Rhuthun, Nadolig 2007. Cafodd y ddau datŵ gwennol ar eu garddwn chwith. ` Cafodd Radd Anrhydedd gan Brifysgol Bangor yng Ngorffennaf 2007 am ei gyfraniad i'r byd ffilmiau.

Ymhlith ei ddramâu llwyfan y mae: 'Accidental Death Of An Anarchist', a berfformiwyd yn Theatr Donmar, Llundain, 2003, 'Hamlet' yn Theatr Clwyd, 'A Midsummer Night's Dream' yn Regent's Park Theatre ac 'Under Milk Wood' a 'Volpone' yn y Royal National Theatre.

Ffilmograffi[golygu]

Year Title Role Nodiadau
1995 Streetlife Kevin
1996 August Griffiths
1997 Twin Town Jeremy Lewis
Trial & Retribution, Cyfres 1 Michael Dunn
1998 Dancing at Lughnasa Gerry Evans
1999 Heart Alex Madden
Notting Hill Spike Ennillydd Gwobr BAFTA
You're Dead Eddie
2000 Rancid Aluminium Pete Thompson
Love, Honour and Obey Matthew
Kevin And Perry Go Large Eyeball Paul
The Replacements Nigel Gruff
Little Nicky Adrian
2001 Hotel Trent Stoken
Christmas Carol: The Movie Bob Cratchit llais
The Shipping News Beaufield Nutbeem
Human Nature Puff
The 51st State Iki
2002 Once Upon a Time in the Midlands Dek
2003 Danny Deckchair Danny Morgan
2004 Vanity Fair William Dobbin
Enduring Love Jed Cynigiwyd – Gwobr Empire: Actor Gorau o Brydain
2005 Midsummer Dream Lysander llais: fersiwn Saesneg
Chromophobia Colin
2006 Garfield: A Tail of Two Kitties McBunny llais
2007 Four Last Songs Dickie
Hannibal Rising Grutas
Elizabeth: The Golden Age Robert Reston
2008 Come Here Today Alex
2008 A Number Benard (B2)
2009 The Informers Roger
The Boat That Rocked Gavin Kavanagh
Mr. Nobody Nemo's Father
2010 Mr. Nice Howard Marks
Greenberg Ivan Schrank
Nanny McPhee and the Big Bang Uncle Phil
Passion Play Sam Adamo
Harry Potter and the Deathly Hallows – Part 1 Xenophilius Lovegood
Exit Through the Gift Shop Llais
2011 Anonymous Edward de Vere
Neverland James Hook ffilm teledu
2012 The Amazing Spider-Man Dr. Curt Connors/The Lizard[1]
The Five-Year Engagement Winton Childs
2014 The Amazing Spider-Man 2 Dr. Curt Connors/The Lizard Ar y gweill

Cyfeiriadau[golygu]

Cysylltiad allanol[golygu]

  • (Saesneg) Rhys Ifans yn y Databas Ffilmiau'r Rhyngrwyd (IMDb)


Baner CymruEicon person Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.