Rastaffariaeth

Oddi ar Wicipedia
Neidio i: llywio, chwilio
Dyn Rastaffaraidd yn Barbados. Mae'n gwisgo het rasta ac mae ganddo fathodynnau sy'n dangos Haile Selassie, deilen ganabis, a lliwiau'r faner Rastaffaraidd.

Mudiad crefyddol newydd yw Rastaffariaeth neu Rasta sydd a'i wreiddiau yn Jamaica yn y 1930au. Mae'r mwyafrif o'i ddilynwyr yn addoli Haile Selassie, Ymerawdwr Ethiopia o 1930 hyd 1974, fel Duw, yr Ailddyfodiad, neu ailymgnawdoliad Iesu. Maent hefyd yn ystyried Marcus Garvey yn broffwyd.

Mae Rastaffariaid yn defnyddio canabis yn ysbrydol ac yn gwrthod cymdeithas y Gorllewin, a elwir yn "Fabilon". Maent hefyd yn ystyried Affrica (neu "Seion") yn fan geni dynoliaeth, ac yn galw ar ddychwelyd i'r famwlad hon. Mae gan y mudiad bwyslais ar Affroganoliaeth ac holl-Affricaniaeth. O gwmpas y byd, cysylltir Rastaffariaeth yn gryf â cherddoriaeth reggae, yn enwedig Bob Marley.

Mae nifer o Rastaffariaid yn ei hystyried yn fudiad, ideoleg, neu'n "Ffordd o Fyw" yn hytrach na chrefydd.

Yn ôl cyfrifiad Jamaica 2001, roedd 24,020 o Rastaffariaid yn y wlad, llai na 1% o'r boblogaeth.[1] Yn ôl ffynonellau eraill mae'r ffigurau'n uwch, tua 5% o'r boblogaeth[2] neu gymaint â 100,000 o unigolion.[3] Yn ôl cyfrifiad y Deyrnas Unedig 2001 mae 5000 o Rastaffariaid yn byw yng Nghymru a Lloegr,[4] y mwyafrif ohonynt yn Llundain ac o dras Jamaicaidd.

Comin Wikimedia
Mae gan Gomin Wikimedia gyfryngau sy'n berthnasol i:

Cyfeiriadau[golygu]

  1. "Jamaica". Bureau of Democracy, Human Rights, and Labor (US State Department). 2007-09-14. http://www.state.gov/g/drl/rls/irf/2007/90259.htm. Adalwyd 2010-10-20. 
  2. Reuters AlertNet (Reuters Foundation):Jamaica (citing "NI World Guide 2003/2004"); The world guide: a view from the south, New Internationalist Publications, 2005, p. 312 ("Rastafarians 5 per cent")
  3. Michael Read: Jamaica. Lonely Planet, 2006 p. 38
  4. "BBC Rastafari at a glance". Bbc.co.uk. 2009-10-02. http://www.bbc.co.uk/religion/religions/rastafari/ataglance/glance.shtml. Adalwyd 2012-02-27.