Prifysgol Bordeaux III

Oddi ar Wicipedia
Neidio i: llywio, chwilio
Prifysgol Bordeaux III
Université Bordeaux III
280px
Logo'r Brifysgol
Sefydlwyd 1971
Math Prifysgol
Llywydd Patrice Brun
Staff 340
Myfyrwyr 15,600
Lleoliad Bordeaux,
Baner Ffrainc Ffrainc
Campws Domaine universitaire de Talence Pessac Gradignan
Gwefan http://www.u-bordeaux3.fr/

Prifysgol Ffrengig ydy Prifysgol Bordeaux Montaigne (Ffrangeg: Université Michel de Montaigne Bordeaux III) a leolir ar gyrion Bordeaux, Aquitaine, yn ne-orllewin Ffrainc. Mae'r brifysgol yn un o bum prifysgol sy'n ffurfio cymuned o brifysgolion ardal Aquitaine. Y prif feysydd astudio ydy ieithoedd, hanes, daearyddiaeth a’r celfyddydau. Mae 15,600 fyfyrwyr wedi'u cofrestru yno. Fe'i henwir ar ôl y llenor Michel de Montaigne (1533-92).

Hanes[golygu | golygu cod y dudalen]

Creadigaeth[golygu | golygu cod y dudalen]

Crëwyd Prifysgol Bordeaux III ym 1971 ar ôl penderfyniad i wahanu'r brifysgol i mewn i dair rhan. Roedd gwreiddiau'r brifysgol wreiddiol yn hanu'n ôl i'r flwyddyn 1441.

Llywyddion y Brifysgol[golygu | golygu cod y dudalen]

Cyfansoddiad y Brifysgol[golygu | golygu cod y dudalen]

Tan 2010, ffurfiwyd y brifysgol yn ôl nifer o UFR (Ffrangeg: Unité de formation et de recherche) (Cymraeg: Uned Addysgu ac Ymchwilio). Dyma oedd y gwahanol UFR: y celfyddydau, astudiaethau Almaenaidd a Llychlynnaidd, astudiaethau Iteraidd ac Ibero-Americanaidd, daearyddiaeth, hanes, hanes celf ac archeoleg, sefydliad gwyddorau cyfathrebiad, ieithoedd tramor ac ieithoedd tramor gymwysedig, gwledydd Saesneg eu hiaith, ac athroniaeth.

Ers Hydref 2010, serch hynny, cwtogwyd y nifer o UFR i dri, sef "Y Dyniaethau," "Ieithoedd a Gwareiddiad," a "Gwyddorau'r tiroedd a chyfathrebiad."[3]

Lleoliad[golygu | golygu cod y dudalen]

Lleolir y brifysgol a'i holl adnoddau addysgol ym mharth Pessac Talence Gradignan. Mae gwasanaeth dram yn rhedeg i'r brifysgol bob dydd. Llinell B sydd yn mynd i'r brifysgol, a'r orsaf agosaf at y brifysgol yw gorsaf Montaigne Montesquieu.

Mae cangen o'r brifysgol yn nhref Agen yn ogystal.

Arweiniad[golygu | golygu cod y dudalen]

Arweinydd a Llywydd y brifysgol yw'r bonwr Patrice Brun, athro Hanes Groeg yr Henfyd.

Dirprwyon:

  • Jean-Paul Jourdan, athro hanes cyfoes.
  • Jean-Yves Coquelin, darlithiwr celf y llwyfan.
  • Patrick Baudry, athro cymdeithaseg.

Addysg[golygu | golygu cod y dudalen]

Cynigir 34 gwahanol radd yn y brifysgol (gyda'r cyfle i arbenigo mewn un neu ddau o 17 gwahanol iaith), 59 meistrolaeth, 26 doethuriaeth, a dysgir 23 o ieithoedd.

Gradd Is-raddedig[golygu | golygu cod y dudalen]

Gellir astudio gradd yn un o'r meysydd a ganlyn yn Bordeaux 3:

  • Gwyddorau Dynol a Chymdeithasol
    • Daearyddiaeth
    • Hanes, hanes celf, archeoleg
    • Athroniaeth
  • Ieithoedd, Llenyddiaeth a Chelfyddydau
    • Y Celfyddydau
    • Ieithoedd, Llenyddiaeth a Gwareiddiad Estron
    • Ieithoedd estron gymwysedig
    • Ieithyddiaeth

Cyfeiriadau[golygu | golygu cod y dudalen]

  1. (Ffrangeg) Patrice BRUN - Educpros.fr. Adalwyd ar 19 Tachwedd 2010.
  2. (Ffrangeg) SINGARAVELOU - Educpros.fr. Adalwyd ar 19 Tachwedd 2010.
  3. (Ffrangeg) Unités de formation, de recherche et départements - Université Bordeaux 3. Adalwyd ar 20 Tachwedd 2010.

Dolenni allanol[golygu | golygu cod y dudalen]