Potosí

Oddi ar Wicipedia
Neidio i: llywio, chwilio
Potosí

Dinas yn rhan ddeheuol Bolifia yw Potosí. Saif yn nhalaith Tomás Frías, 4,090 medr uwch lefel y môr, ac mae'n hawlio mai hi yw dinas uchaf y byd. Roedd y boblogaeth yn 2006 yn 143,148.

Datblygodd o ddinas wedi i arian gael ei ddarganfod ym mynydd y Cerro Rico yn 1544. Sefydlwyd y ddinas ym mis Ebrill 1545 dan yr enw "Villa Imperial de Carlos V" gan Juan de Villarroel. Roedd y mwynglawdd yn cynhyrchu arian ar raddfa enfawr, ac erbyn 1672 roedd y boblogaeth wedi cyrraedd tua 200,000, a'r ddinas yn un o'r dinasoedd mwyaf a chyfoethocaf yn Ne America.

Yn ddiweddarach, dirywiodd sefyllfa'r ddinas, ac erbyn 1825 roedd y boblogaeth yn llai na 10,000, a'r cyflenwad o fwyn arian bron wedi dod i ben. Mae rhywfaint o fwyngloddio yn parhau, ond twristiaeth yw prif ffynhonnell incwm yn ddinas bellach. Yn 1987, dynododd UNESCO y ddinas yn Safle Treftadaeth y Byd.