Plaid Werdd Cymru a Lloegr

Oddi ar Wicipedia
(Ailgyfeiriad o Plaid Werdd yr Alban)
Plaid Werdd Cymru a Lloegr
ArweinyddCarla Denyer a Adrian Ramsay
Dirprwy arweinyddZack Polanski
Sefydlwyd1990 (1990)
Rhagflaenwyd ganY Blaid Werdd
PencadlysDevelopment House,
56-64 Leonard Street, London, EC2A 4LT
Asgell yr ifancGwyrdd Ifanc Cymru a Lloegr
Aelodaeth  (2022)53,126 [1]
Rhestr o idiolegauCynaladwyedd,
Cynhesu byd eang,
Egni adnewyddadwy
Sbectrwm gwleidyddolGwleidyddiaeth asgell chwith
Partner rhyngwladolY Blaid Werdd Rhyngwladol
Cysylltiadau EwropeaiddPlaid Werdd Ewrop
Grŵp yn Senedd EwropCynghrair Rhydd Ewrop y Blaid Werdd
Lliw     Green
Tŷ'r Cyffredin
1 / 573
Tŷ'r Arglwyddi
2 / 784
Seddi Cymru a Lloegr ar Senedd Ewrop
3 / 64
Cynulliad Llundain
2 / 25
Cynulliad Cenedlaethol Cymru
0 / 60
Llywodraeth leol yng Nghymru a Llywodraeth leol yn Lloegr[2]
766 / 17,485
Comisiynydd yr Heddlu a Throseddu
0 / 41
Gwefan
www.greenparty.org.uk

Plaid wleidyddol yn y Deyrnas Unedig sy'n gweithredu yng Nghymru a Lloegr ydy Plaid Werdd Cymru a Lloegr (Saesneg: Green Party of England and Wales). Mae'n aelod o Blaid Werdd Ewrop a'r mudiad Gwyrdd rhyngwladol a hi yw'r blaid werdd fwyaf yng ngwledydd Prydain. Sefydlwyd y blaid yn 1990 pan ymrannodd 'Y Blaid Werdd' yn dair rhan: Iwerddon, yr Alban a hon (Cymru a Lloegr). Yn wahanol i fwyafrif y pleidiau eraill, mae wedi'i seilio ar thema, sef dyfodol y blaned a'r pwysigrwydd o leihau carbon deuocsid, cynaladwyedd, cynhesu byd eang, cynyddu egni adnewyddadwy a lleihau ynni niwclear a'n dibynedd ar danwydd ffosil. Mae hefyd yn gefnogol i gynrychiolaeth gyfrannol.

Mae'n gweithredu yng Nghymru dan yr enw 'Plaid Werdd Cymru', sy'n ymreolaethol o fewn Plaid Werdd Cymru a Lloegr.

Yn 2014 roedd gan y blaid un Aelod Seneddol yn Nhŷ'r Cyffredin, sef Caroline Lucas, sy'n cynrychioli etholaeth Brighton Pavilion.[3] Roedd Lucas yn arweinydd y blaid rhwng 2008 a 2012, pan drosglwyddwyd yr awennau i Natalie Bennett.[4][5] Mae gan y Blaid Werdd hefyd un arglwydd am oes.

Plaid Werdd Cymru[golygu | golygu cod]

Cangen lled-annibynnol o Blaid Werdd Cymru a Lloegr ydy Plaid Werdd Cymru. Mae gan y Blaid Werdd Cymru a Lloegr 126 cynghorwyr ond does dim un yng Nghymru.

Cyd-weithio â Phlaid Cymru[golygu | golygu cod]

Ystyrir Cynog Dafis yn aelod seneddol cyntaf y Blaid Werdd oherwydd cytundeb rhwng y Blaid Werdd a Phlaid Cymru yng Ngheredigion. Roedd Cynog yn gefnogol iawn i syniadau gwyrdd fel y "Bunt Werdd" ac roedd cefnogaeth y Gwyrddion yn bwysig mewn etholaeth ymylol. Cynrychiolodd Cynog Etholaeth Ceredigion a Gogledd Sir Benfro dros Blaid Cymru a'r Blaid Werdd ar y cyd o Etholiad cyffredinol y Deyrnas Unedig, 1992 tan 2000. Mae aelodau o Blaid Cymru yn Llundain wedi helpu'r Gwyrddion yn etholiad cyffredinol 2010, e.e. Rob Sciwen Davies yn Nwyrain Llundain a Petroc ap Seisyllt yn Lewisham.[angen ffynhonnell] Mae hyn yn adlewyrchiad perthynas y ddwy blaid yn Senedd Ewrop fel cyd aelodau o'r EPA, clymblaid o bartïon rhanbarthol a Gwyrddion. Ar hyn o bryd Jill Evans, Plaid Cymru, yw arweinydd y Gwyrddion - Cynghrair Rydd Ewrop yn Senedd Ewrop, ac felly yn arweinydd Ewropeaidd y Gwyrddion.

Swyddogion a Changhennau ym Mai 2010[golygu | golygu cod]

  • Ysgrifennydd Cyffredinol: John Matthews
  • Swyddog y Wasg: Jake Griffiths
  • Aelodaeth: Owen Clarke
  • Gwyrddion Ifainc: Sam Coates
  • Caerdydd a'r Fro: Jake Griffiths
  • Ceredigion : Chris Simpson
  • Gwent: Diane Howell
  • Gogledd Cymru: Joe Blakesley
  • Abertawe: Keith Ross

Cyfeiriadau[golygu | golygu cod]

  1. "statement of accounts, Green Party". Electoral Commission. 22 August 2023. Cyrchwyd 24 August 2023. As at 31 December 2022 the party had 53,126 members
  2. "Green Party - Elections". The Green Party of England and Wales. Archifwyd o'r gwreiddiol ar 2014-02-08. Cyrchwyd 25 Ebrill 2014. Italic or bold markup not allowed in: |publisher= (help)
  3. "Election 2010 – Constituency – Brighton Pavilion". BBC News. 7 May 2010. Cyrchwyd 7 May 2010.
  4. Jowit, Juliette (5 Awst 2004). "Green party elects Natalie Bennett as leader". The Guardian. London. Cyrchwyd 3 Medi 2012.
  5. "Natalie Bennett elected new Green Party leader in England and Wales". BBC News. 3 Medi 2012. Cyrchwyd 3 Medi 2012.

Dolenni allanol[golygu | golygu cod]

Eginyn erthygl sydd uchod am wleidyddiaeth. Gallwch helpu Wicipedia drwy ychwanegu ato.