Phylip Brydydd

Oddi ar Wicipedia
Neidio i: llywio, chwilio

Un o Feirdd y Tywysogion a ganai yng Ngwynedd a Deheubarth yn hanner cyntaf y 13eg ganrif oedd Phylip Brydydd (fl. 1222). Roedd yn frodor o Geredigion.[1]

Bywgraffiad[golygu]

Ni wyddys dim am y bardd ar wahân i dystiolaeth ei gerddi a chyfeiriad tebygol ato mewn cerdd ddiweddarach gan Gwilym Ddu sy'n ei gysylltu â Cheredigion. Er nad oes sicrwydd am hynny, mae'n bosibl mai ef yw'r Phylip ab Ifor ap Cydifor ap Gwaithfoed a geir yn achau Deheubarth ac a gysylltir â Llanbadarn Odwyn, Pennardd, yng Ngheredigion. Mae ei enw yn dangos ei fod yn brydydd yng nghyfundrefn y beirdd.[2]

Cerddi[golygu]

Cedwir ar glawr yn y llawysgrifau bedair o gerddi mawl gan y bardd i Rhys Gryg, mab Yr Arglwydd Rhys o Ddeheubarth, Rhys Ieuanc (nai Rhys Gryg), ac i'r Tywysog Llywelyn ap Iorwerth (Llywelyn Fawr) o Wynedd. Yn ogystal ceir dwy gerdd ymryson arbennig sy bron yn unigryw yng ngwaith y Gogynfeirdd ac sy'n cynnig golwg gwerthfawr ar y Traddodiad Barddol yn Oes y Tywysogion.[3]

Llyfryddiaeth[golygu]

  • Morfydd E. Owen (gol.), 'Gwaith Phylip Brydydd', yn N. G. Costigan et al. (gol.), Gwaith Dafydd Benfras ac eraill o feirdd hanner cyntaf y drydedd ganrif ar ddeg (Gwasg Prifysgol Cymru, Caerdydd, 1995). Y golygiad safonol o waith y bardd, yng 'Nghyfres Beirdd y Tywysogion'.

Cyfeiriadau[golygu]

  1. Morfydd E. Owen (gol.), 'Gwaith Phylip Brydydd'.
  2. Morfydd E. Owen (gol.), 'Gwaith Phylip Brydydd'.
  3. Morfydd E. Owen (gol.), 'Gwaith Phylip Brydydd'.



Beirdd y Tywysogion Y Ddraig Goch
Bleddyn Fardd | Cynddelw Brydydd Mawr | Dafydd Benfras | Daniel ap Llosgwrn Mew | Einion ap Gwalchmai | Einion ap Gwgon | Einion ap Madog ap Rhahawd | Einion Wan | Elidir Sais | Goronwy Foel | Gruffudd ab yr Ynad Coch | Gruffudd ap Gwrgenau | Gwalchmai ap Meilyr | Gwernen ap Clyddno | Gwgon Brydydd | Gwilym Rhyfel | Gwynfardd Brycheiniog | Hywel ab Owain Gwynedd | Hywel Foel ap Griffri ap Pwyll Wyddel | Iorwerth Fychan | Llygad Gŵr | Llywarch ap Llywelyn | Llywarch Llaety | Llywarch y Nam | Llywelyn Fardd I | Llywelyn Fardd II | Madog ap Gwallter | Meilyr ap Gwalchmai | Meilyr Brydydd | Owain Cyfeiliog | Peryf ap Cedifor | Y Prydydd Bychan | Phylip Brydydd | Seisyll Bryffwrch