Parc Cenedlaethol Dyffryn Marwolaeth

Oddi ar Wicipedia
Neidio i: llywio, chwilio
Parc Cenedlaethol Dyffryn Marwolaeth

Mae Parc Cenedlaethol Dyffryn Marwolaeth yn ardal warchodedig i'r dwyrain o gadwyn y Sierra Nevada yn Swydd Inyo, yn ne-ddwyrain Califfornia, UDA, gyda rhan fechan ohono'n ymestyn i mewn i Nevada.

Mae'n cynnwys bron y cyfan o Ddyffryn Marwolaeth yn ei ffiniau. Dyma'r ardal boethaf a sychaf yng Ngogledd America; anialwch di-drugaredd lle mae'r tymheredd yn codi dros 39 gradd C yn y cysgod yn rheolaidd yn ystod yr haf.

Er gwaethaf yr hinsawdd eithafol mae'r parc yn gartref i nifer o rywogaethau diddorol, yn blanhigion ac yn anifeiliaid a chreaduriaid eraill. Mae'r ardal yn arbennig o ddeniadol yn y gaeaf ac yn denu nifer o dwristiaid yr adeg honno.

Cafodd ei gyhoeddi'n Gofeb Genedlaethol yn 1933.